Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pfizer vaktsınasy nelikten aqyly túrde salynbaıdy – Maman jaýaby

2022 jyldyń 25 qańtar 2022 17:58

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Pfizer vaktsınasy nelikten aqyly túrde salynbaıtynyn túsindirdi, dep habarlaıdy QazAqparat tilshisi.

«QR Densaýlyq saqtaý mınıstrligi uzaq ýaqyt boıy Pfizer vaktsınasyn jetkizýshi kompanııamen preparatty aqyly negizde jetkizý máselesin pysyqtap keldi. Ókinishke qaraı, kompanııa ımmýndaýǵa arnalǵan vaktsınany aqyly negizde jetkizýden bas tartty dep aıtýǵa bolady, óıtkeni qazir bul preparatqa jahandyq kólemde suranys bar. Ózderiń kórip otyrǵandaı, barlyq elderde vaktsınalaýdan bólek, revaktsınalaý jumystary, tipti onyń ekinshi komponentin egý bastaldy», - dedi A. Esmaǵambetova Ortalyq kommýnıkatsııalar qyzmetinde ótken baspasóz máslıhatynda.

Tıisinshe, vaktsınaǵa degen suranys árdaıym artyp keledi jáne kompanııa qazir birinshi kezekte úkimetpen jumys isteıdi – ıaǵnı Pfizer kommertsııalyq satý úshin preparat jetkizbeıdi.

«Biz úshin, Densaýlyq saqtaý mınıstrligi retinde, vaktsına alǵan adamdardyń neǵurlym kóp bolǵany kerek, olardyń aqyly nemese aqysyz ekpe alǵany mańyzdy emes. Bizdiń maqsatymyz – vaktsınalaýmen qamtýdy barynsha arttyrý. Sondyqtan Pfizer-men kelissózder uzaq ýaqyt júrgizildi, biz vaktsınanyń qosymsha kólemin Qazaqstanǵa aqyly negizde satý úshin barlyq múmkindikterdi paıdalanýǵa tyrystyq. Biraq, ókinishke qaraı, bul kompanııanyń ustanymy – kommertsııalyq negizde jetkizý múmkin emes», - dedi Aıjan Esmaǵambetova.


Joǵary qaraı