Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pfizer men Moderna koronavırýsqa qarsy vaktsınanyń baǵasyn kóterdi

2021 jyldyń 2 tamyz 2021 08:32

NUR-SULTAN. QazAqparat - Pfizer men Moderna farmatsevtıka kompanııalary Eýroodaq úshin koronavırýsqa qarsy vaktsınanyń baǵasyn kóterdi, dep habarlaıdy QazAqparat Euronews-ke silteme jasap.

Brıtandyq Financial Times gazetiniń habarlaýynsha, endi Pfizer-diń bir dozasy 19,50 eýro turady, budan buryn onyń quny 15,50 eýro bolǵan. Osylaısha, nemis-aǵylshyn vaktsınasy 25%-ǵa qymbattaǵan.

Osy ýaqytta Moderna preparatynyń bir dozasy 19-dan 21,50 eýroǵa deıin kóterildi.

Óndirýshilerdiń aıtýynsha, synaqtyń úshinshi kezeńi vaktsınanyń mRNQ-sy vektorlyq preparattarǵa qaraǵanda tıimdirek ekenin kórsetken. Odan bólek, AstraZeneca men Johnson&Johnson arzan vaktsınalaryna qaraǵanda, janama áserlerdiń paıda bolý qaýpi tómenirek bolyp shyqty.

Financial Times jýrnalısteri Eýroodaqtyń vaktsınalardy jańa baǵamen alýǵa keliskenin anyqtady.

Preparattyń qunyn qaıta qaraý birqatar Eýropa elderiniń halyqqa vaktsınanyń eki dozasyn saldyrǵannan soń jarty jyl ótkennen keıin úshinshi dozany saldyrý jóninde sheshim qabyldap jaqtan tusta júrgizildi.


Joǵary qaraı