Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pfizer-di jasy 12-den asqandarǵa jáne júkti áıelderge qoldanýǵa bolady - elordanyń bas dárigeri

2021 jyldyń 12 qazan 2021 17:49

NUR-SULTAN. QazAqparat - Elordalyq qoǵamdyq densaýlyq saqtaý basqarmasynyń basshysy Tımýr Muratov para berip, Pfizer vaktsınasyn saldyrý týraly suraqtarǵa jaýap berdi, dep habarlaıdy QazAqparat.

«Pfizer-di kútetin jáne armandaıtyn adamdar bar ekeni túsinikti. Áıelderdiń ótirik júktimin dep aıtsa nemese para berý arqyly osy vaktsınany alýǵa áreket etse, qandaı shara qabyldaısyzdar?», - dep suraq qoıdy jýrnalıster.

«Pfizer vaktsınasynyń ózin 12 jastan bastap jasóspirimderge jáne júkti áıelderge qoldanýǵa bolady. Úshinshi trımestrdegi áıel óziniń júktiligin jasyra almaıdy, bári anyq kórinip turady. Densaýlyq saqtaý mınıstrligi qansha adamdy vaktsınalaý týraly sheshim qabyldaǵannan keıin biz ony júzege asyrýǵa daıynbyz. Barlyq jumys ortalyqtandyrylyp, muzdatqysh qondyrǵylarmen qamtamasyz etiledi. Para berip vaktsına alý nusqasy da múmkin emes. Biz bárin zańnamalyq normada pysyqtaımyz», - dep túsindirdi Tımýr Muratov Ortalyq kommýnıkatsııalar qyzmetinde.

Aıta keteıik, Nur-Sultanda halyqtyń 68% koronavırýs vaktsınasynyń 1-komponentin aldy.



Joǵary qaraı