Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavldaǵy mádenıet úıiniń tóbesi qulady

2021 jyldyń 20 qazan 2021 17:54

PETROPAVL. QazAqparat – Petropavldaǵy mádenıet úıiniń tóbesi opyrylyp tústi, eshkim zardap shekpedi, dep habarlaıdy QazAqparat tilshisi.

Petropavldaǵy mádenıet úıi ǵımaraty 1930 jyldary salynyp paıdalanýǵa berilgen. Áleýmettik nysan 9 jyl buryn kúrdeli jóndeýden ótken. Endi kóne ǵımarat birtindep buzylyp jatyr. Onyń tóbesin ustap turǵan beton tireýish maıysyp, qulap ketken. Tóbesi qulaǵanda jaqyn mańda qyzmetkerler bolmaǵan, ıaǵnı zardap shekkender joq. Qazirgi ýaqytta mádenıet úıiniń qyzmetkerleri (ákimshilik quramnan basqasy) qashyqtan jumys isteý rejımine kóshirildi.

«Ústińgi qabattarǵa kóterilýge bolmaıdy, tyıym salyndy. Basshylyq ony qatty qadaǵalaýdy tapsyrdy. Tóbesiniń qalǵan bóligi qulap ketý qaýpi bar», - deıdi mekemeniń kúzetshisi.

Mádenıet úıinde shyǵarmashylyq ujymdarmen qatar mektep oqýshylaryna arnalǵan 25 úıirme jumys isteıdi. Ǵımarattyń apattyq jaǵdaıda turǵanyna baılanysty 546 tárbıelenýshi basqa ortalyqtarǵa aýystyryldy.

«Tireýi maıysyp ketken. Saraptama jasaldy. Tóbeni qalpyna keltirý úshin jobalyq-smetalyq qujattar ázirlendi. Jónge keltirý úshin oblystyq bıýdjetten qarajat suraımyz. Shamamen 105 mln teńge qajet. Mádenıet úıi qaıtadan qashan iske qosylatyny ázirge belgisiz», - deıdi Petropavl qalasy ákiminiń orynbasary Asqar Habıbýlın.





Joǵary qaraı