Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda jylytý maýsymy bastaldy

2020 jyldyń 18 qyrkúıek 2020 10:05

PETROPAVL. QazAqparat – Petropavlda búginnen bastap jylytý maýsymy bastaldy, dep habarlaıdy QazAqparat tilshisi.

Petropavl qalasynyń ákimi Bolat Jumabekov bul jaıynda áleýmettik jelidegi jeke paraqshasynda habarlady.

«Petropavl qalalyq ákimdiginiń 2020 jylǵy 17 qyrkúıektegi № 881 qaýlysy negizinde 2020-2021 jyldardaǵy jylytý maýsymy 18 qyrkúıekten bastalady. Birinshi kezekte jylý áleýmettik mańyzy bar nysandarǵa, odan soń kópqabatty turǵyn úılerge beriledi. Keıin ákimshilik nysandar, oqý oryndary, teatrlar jylýǵa qosylady», - dep jazdy Bolat Jumabekov.

Petropavlda jylytý maýsymy byltyr da osy ýaqytta bastalyp, bıyl 30 sáýirde aıaqtalǵan edi. Ádette nysandar kezeń-kezeńmen qosylyp, bul jumystar on kúnge deıin sozylady. Bastapqyda balabaqshalar, densaýlyq saqtaý nysandary jáne bilim mekemelerine jylý berilmek. Keıin turǵyn úıler qosyla bastaıdy, onda da jylytý maýsymyna daıyndyq qujaty jáne jylý qýaty eseptegishteri bar baspanalarǵa basymdyq berilmek.

Jalpy oblys ortalyǵynda 1090 kópqabatty turǵyn úı bar. Petropavl qalalyq ákimdigi baspasóz qyzmetiniń málimetinshe, qazirgi tańda olardyń 1022 ǵana qubyrlardy jýyp-shaıý sııaqty tıisti jumystardy júrgizgen.


Joǵary qaraı