Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda jyl basynan 45 velosıped urlandy

2021 jyldyń 31 shilde 2021 07:42

PETROPAVL. QazAqparat – Petropavlda jyl basynan 45 velosıped urlandy, olardyń tek jartysy ǵana tabylyp, ıelerine qaıtaryldy, dep habarlaıdy QazAqparat tilshisi.

Soltústikń Qazaqstan oblysy polıtsııa departamenti baspasóz qyzmetiniń málimetinshe, Petropavl turǵynynan Internatsıonalnyı kóshesindegi bes qabatty úılerdiń biriniń kireberisinen HAMMER velosıpediniń urlanǵany týraly aryz kelip túsken. Jábirlenýshi velosıpedtiń urlanǵanyn keshki saǵat 20.00 kezinde ǵana baıqap, birden polıtsııaǵa júgingen.

Qylmys jasalǵan aýdandaǵy beıne baqylaý kameralarynyń jazbalary zerdelenip, nátıjesinde kúdikti anyqtalyp, ustaldy. Kúdikti Jumysshy kentiniń 26 jastaǵy turǵyny bolyp shyqty. Qala ortalyǵynan úıine mas kúıde ketip bara jatqan er adam ashyq turǵan úı podezde trosqa bekitilmegen velosıpedti baıqaıdy. Úıine jetý úshin eki dóńgelekti kólikti urlap minip ketedi. Kelesi kúni ony polıtseıler ustady.

Atalǵan fakti QR Qylmystyq kodeksiniń «Urlyq» baby boıynsha Sotqa deıingi tergep-terserýlerdiń biryńǵaı tizilimine engizildi. Kúdiktige qatysty mindetti kelý túrindegi májbúrleý sharasy qoldanyldy. Velosıped alynyp, ıesine qaıtaryldy. Tergeý júrgizilip jatyr.

Polıtseıler velosıpedti dúken qasynda, aýla men úı podezderinde qaraýsyz qaldyrmaýǵa shaqyrady. Aıdap áketýge qarsy sapaly qurylǵylardy paıdalanyp, beıne baqylaý júıesi bar jerlerge qoıǵan jón, velosıpedtiń markasy men serııalyq nómirin bilý kerek. Urlanǵan jaǵdaıda, birden polıtsııaǵa habarlasý qajet.

Jyl basynan Petropavlda 45 velosıped urlyǵy tirkeldi. Onyń jartysy ashyldy.


Joǵary qaraı