Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavlda JEO-nyń jartylaı qulaǵan murjasy tolyq buzylatyn boldy

2022 jyldyń 26 mamyr 2022 17:24

PETROPAVL. QazAqparat – Petropavldaǵy jylý-elektr ortalyǵynyń jartylaı qulaǵan tútin murjasy tolyq buzylady. Bul týraly Soltústik Qazaqstan oblysynyń ákimi Qumar Aqsaqalov aıtty, dep habarlaıdy QazAqparat tilshisi.

SQO ákimi Qumar Aqsaqalov Petropavldaǵy problemaly nysandardy aralap, baspasóz týryn ótkizdi. Sapar barysynda oblys ortalyǵyndaǵy jylý-elektr ortalyǵyna qatysty tilshilerdiń suraǵyna jaýap berdi. Óńir basshysynyń aıtýynsha, nysannyń opyrylyp qulaǵan tútin murjasy tolyq buzylady. Saraptama murjany qalpyna keltirý múmkin emestigin kórsetken.

«Qaıta kóterip turǵyzýǵa kelmeıdi. Ol 1961 jyldan beri jumys isteıdi. Qazir JEO-daǵy 11 jumys qazandyǵyn qalǵan eki murjaǵa qosý úshin qajetti tehnıkalyq sheshimder qaralyp jatyr. Jumys rejıminde 9 qazandyq isteýi kerek, kún sýytqanda 10-ǵa jetkizip, taǵy bireýi rezervte turýy qajet. Aqsha bar. Investorlar tolyq óz qarajattaryna jóndeıdi. Ol shamamen 17,5 mlrd teńge. Tarıfti ósirmeımiz. Turǵyndar negizinen osy máselege alańdaǵan edi. 587 tonna murja kerek edi, ony taptyq. Qazandyqtardy bólek-bólek Petropavlda, Temirtaýda jáne Ekibastuzda jóndeıdi. Buǵan deıin ony 3-4 jylda birtindep jóndeımiz dep josparlaǵan edik, endi keıinge qaldyrýǵa bolmaıdy, kúrdeli jóndeýden ótedi», - dedi Qumar Aqsaqalov.

Petropavlda qurylys qyzǵan, kópqabatty baspanalar salynyp jatyr. Ákimniń aıtýynsha, ázirge JEO-nyń qýaty jetkilikti, biraq-ta bolashaqta onyń múmkindikterin arttyrý qajet bolady.

Esterińizge salaıyq, 20 naýryzda Petropavldaǵy jylý-elektr ortalyǵynyń tútin murjasy jartylaı opyrylyp qulaǵan edi. Saldarynan jumysshy áıel mert boldy. Al oblys ortalyǵynda turǵyndar páterleriniń sýyp ketkenine shaǵymdandy. Keıin osy kásiporynnyń birneshe basshysy qamaýǵa alynyp, qylmystyq is qozǵaldy.


Joǵary qaraı