Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda jataqhanadaǵy jarylysta kúıip qalǵan boıjetken qaıtys boldy

2021 jyldyń 2 naýryz 2021 16:54

PETROPAVL. QazAqparat – Petropavldaǵy jataqhanada gaz ballonynyń jarylýynan zardap shegip, jansaqtaý bólimine túsken boıjetken on kúnnen keıin qaıtys boldy, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, 1999 jyly týǵan qyz 1 naýryz kúni saǵat 23.35 mınýtta jansaqtaý bóliminde qaıtys boldy.

Onyń denesiniń 65 %-y kúıip qalǵan edi.

Esterińizge salaıyq, 21 aqpan kúni Petropavldaǵy Internatsıonal kóshesi, 21 mekenjaıyndaǵy 5 qabatty jataqhanada gaz ballony jaryldy.

Eki adam qaza taýyp, 15 adam aýrýhanaǵa jetkizildi.

SQO densaýlyq saqtaý basqarmasy baspasóz qyzmetiniń málimetinshe, keshe sol úıdiń turǵyndary - eki adam aýrýhanadan shyǵaryldy.

Qazir jansaqtaý bóliminde jatqandar joq, úsh adam palatada em alyp jatyr.


Joǵary qaraı