Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda páter kezeginde turǵandarǵa arnalǵan úılerdiń sapasy tekserildi

2020 jyldyń 30 qazan 2020 21:52

PETROPAVL. QazAqparat – Petropavlda Nur Otan partııasynyń músheleri salynyp jatqan jalǵa berý-kommýnaldyq úılerge monıtorıng júrgizdi, dep habarlaıdy QazAqparat tilshisi.

Nur Otan partııasy Soltústik Qazaqstan oblystyq fılıaly baspasóz qyzmetiniń málimetinshe, monıtorıng top músheleri Petropavlda salynyp jatqan jalǵa berý-kommýnaldyq úılerdiń sapasyn kórdi. Paıdalanýǵa berilgennen keıin bul turǵyn úıler qalalyq ákimdikte kezekte turǵandar arasynda bólinedi.

Solardyń biri - 2 Pervomaı kóshesindegi úı. Onyń ereksheligi – birinshi qabatta múgedekterge arnalǵan kótergishterdiń bolýy. Basqarý panelimen 250 kg deıin júkti kóterýge bolady.

«Biz páterlerge kirdik, árleý jumystary qalaı júrgizilgenin kórdik. Atqarylǵan jumystardyń sapasy kóńilden shyqty. Jylý berildi, sý bar. Biz «Kedergisiz keleshek» partııalyq jobasyn júzege asyryp jatyrmyz. Kireberiste lıft ornatylǵan. Bul óte mańyzdy, óıtkeni páterlerdi bólý komıssııasy tekserý kezinde osy tarmaqtardy eskeredi. Biz kótergishti de tekserdik», - dedi Nur Otan partııasy Petropavl qalalyq fılıaly tóraǵasynyń birinshi orynbasary Keńes Muqyshev.





Páterler 100% daıyn kúıde tapsyrylady. Partııalyqtar atap ótkendeı, munda kóptegen úılerdegideı aǵash esikter emes, metall esikter ornatylǵan. As úıde gaz plıtasy bar. Páterlerde qoımalar da qarastyrylǵan.

«Shamamen úıdiń quny - 800 mln teńge. Barlyq jumystar keste boıynsha jasaldy, aqsha tolyq kólemde ıgerildi. Qyrkúıek aıynda jumystar aıaqtaldy, qazir jylýmen jabdyqtaldy. Biz uzaq ýaqyt boıy úıdiń ekinshi jartysyn sala almadyq, munda eki qabatty turǵyn úı turdy. Dál qazir Bereke shaǵyn aýdanda osy másele qaıtalanyp jatyr. Munyń bári qurylys merzimine áser etedi», - deıdi «Lıra» JShS dırektory Andreı Radchenko.





Sondaı-aq, partııalyqtar 2 Pervomaı, 3 kóshesindegi 93 páterli úıde boldy. Ony «Osnovanıe» JShS saldy. Aýlalary abattandyrylǵan, balalar alańy, trenajerler ornatyldy.Úılerdiń sapasyna qatysty monıtorıng top múshelerinen eskertýler bolǵan joq.











Joǵary qaraı