Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda monıtorıng barysynda birneshe toı toqtatyldy

2021 jyldyń 26 shilde 2021 22:29

PETROPAVL. QazAqparat – Petropavlda demalys kúnderi monıtorıng toptary kóńil kóterý oryndaryn tekserip, sanıtarııa talaptaryn buzǵan birneshe dámhana men meıramhanany anyqtady, dep habarlaıdy QazAqparat tilshisi.

Monıtorıng tobynyń quramyna jergilikti polıtsııa qyzmeti jáne jergilikti atqarýshy organ ókilderi kirgen. Olar oıyn-saýyq oryndaryn nazarǵa aldy. Nátıjesinde bas sanıtar dárigerdiń qaýlysyn elemegen 3 meıramhanany jáne birneshe dámhanany anyqtady. Olardyń arasynda Royal Palace pen «Emırat» meıramhanalary da bar. Kóńil kóterý oryndarynda 60-tan astam adam bolǵan.

«Bas sanıtarııa dárigeriniń qaýlysy boıynsha shekteý sharalary kúsheıtildi. Soǵan qaramastan dámhana-meıramhanalar jumys istep jatyr. Reıd barysynda birneshe toı toqtatyldy. Biz protsessýaldyq sheshim qabyldaý úshin materıaldar jınadyq.

«Tengrı» meıramhanasynda is-shara ótip jatty. Biraq olar bizdi kórgende esikterdi jaýyp aldy. Olardyń ıeleri barlyq shekteý sharasyn bile tura toı ótkizýge ruqsat berip otyr. Reıd kezinde munda 80-nen astam adam bolǵan. Іshindegi adamdar barlyq esikti jaýyp alǵanymen, meıramhana ıesinen jáne uıymdastyrýshylardan túsinikteme alyndy», - deıdi kásipkerlik, aýyl sharýashylyǵy jáne veterınarııa bóliminiń qyzmetkeri Dastan Qazıev.

«Qara» tizimge ilikkenderdiń ishinde Barmaley dámhanasy da bar. Oıyn-saýyq ornynda 150-den astam adam bolǵan.

Eske sala ketsek, SQO-da karantındi buzǵandarǵa 40 mln teńgeden artyq aıyppul salynǵan.


Joǵary qaraı