Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda qutqarýshylar qıraǵan kóliktiń esigin kesip júrgizýshini alyp shyqty

2021 jyldyń 13 qyrkúıek 2021 05:00

PETROPAVL. QazAqparat – Petropavlda eki jeńil kólik soqtyǵysyp, jol-kólik oqıǵasynda zardap shekken júrgizýshige qutqarýshylardyń kómegi qajet boldy, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamentiniń málimetinshe, 11 qyrkúıek kúni Petropavldaǵy ıA.Gashek kóshesinde jol-kólik oqıǵasy bolǵandyǵy jaıynda «112» nómirine saǵat 21.18 mınýt ketkende habar túsken. Zardap shekken júrgizýshige qutqarýshylardyń kómegi qajet bolǵan.

Oqıǵa ornyna TJD jedel-qutqarý otrıadynyń qutqarý bólimshesi jetti. «Svetofor» dúkeniniń mańynda «VAZ» jáne «Porsche Cayenne» soqtyǵysyp qalǵan. «VAZ» júrgizýshisiniń aıaǵy synyp, qatty soqqydan kóliktiń esigi ashylmaı qalǵan. Qutqarýshylar birden iske kirisip, 1997 jyly týǵan er adamdy kólik ishinen alyp shyqty.

«Operatsııa sanaýly mınýttyń ishinde júrgizildi. Óıtkeni zardap shekken jigit aýyr jaraqat alǵan eken. Gıdravlıka quralmen esiktiń kiltin kesip, ashyp, ishinen abaılap jigitti alyp shyqtyq. Zembilge salyp, jedel járdem qyzmetine tapsyrdyq.




Biz mundaı apattyq-qutqarý jumystaryna jıi qatysamyz. Polıtsııa qyzmetkerlerine kómektesip, adamdardy qutqaramyz. Árıne, mundaı shaqyrtý az bolsa eken deımiz. Ne bolǵany anyqtalar, biraq kóp jaǵdaı júrgizýshige baılanysty. Jolda abaı bolyńyzdar, jol júrý erejesin saqtańyzdar!», - deıdi qutqarý bólimshesiniń jetekshisi Vıktor Derjanskıı.



Joǵary qaraı