Aýa raıy
Astana 11 °S
Almaty 26 °S
valıýta baǵamy
USD 412.55
EUR 468.66
RUB 5.79
CNY 58.80

Petropavlda karantınge qaramastan jumys istegen karaoke-bar anyqtaldy

2020 jyldyń 8 tamyz 2020 15:30

PETROPAVL. QazAqparat – Petropavlda karantındik shekteýlerge qaramastan jasyryn túrde jumys istegen karaoke-bar anyqtaldy, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, 3 tamyz kúni saǵat 3.22 kezinde kezekshi bólimge Petropavldaǵy «Royal Palace» meıramhanasynyń karaoke-barynda kelýshiler arasynda janjal týyndaǵany jaıynda habar túsedi. Oqıǵa ornyna jaqyn mańda júrgen avtopatrýlderdiń biri jiberilgen. Alaıda tártip saqshylary esik ishten jabylǵandyqtan ishke kire almaǵan. Tek birazdan keıin ǵana meıramhana qyzmetkerleri esikti ashady. Barda bolǵandar polıtsııanyń birinshi bólimine jetkizildi.

Suraý barysynda «Royal Palas» meıramhanasynyń barynda 1989 jyly týǵan qala turǵynynyń týǵan kúni toılanǵandyǵy anyqtaldy. Karantın talaptaryn buzǵany úshin toıǵa kelgenniń árqaısysyna materıal jınalyp, Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi. Sondaı-aq kóńil kóterý ornynyń ıesi de jazasyz qalmaıdy.

«SQO aýmaǵynda sanıtarlyq-epıdemıologııalyq talaptardyń oryndalýyn qadaǵalaý maqsatynda monıtorıngtik toptar jumys istep jatyr. Onyń quramyna polıtseıler, prokýrorlar, ákimdik ókilderi jáne sanıtarııalyq dárigerler kirgen. Sońǵy úsh aptanyń ishinde ǵana jumys toptary 642 zańbuzýshylyqty anyqtady. Onyń 253-i qalada, 389-y aýdandarda anyqtaldy», - deıdi SQO PD bastyǵynyń birinshi orynbasary Qanat Aıtbaev.


Joǵary qaraı