Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda qar astyndaǵy shópti shapqandar kóptiń qyzý talqysyna tústi

2020 jyldyń 2 jeltoqsan 2020 10:47

PETROPAVL. QazAqparat – Soltústik Qazaqstan oblysynyń Petropavl qalasynda jumysshylar qalyń qardyń astynda qalǵan kóshedegi shópti shaýyp, turǵyndardyń qyzý talqysyna tústi, dep habarlaıdy QazAqparat tilshisi.

1 jeltoqsan kúni áleýmettik jelilerde Petropavlda qar astyndaǵy shópti shapqan jumysshylar týraly vıdeo tarady. Ony qala turǵyndarynyń biri úıiniń terezesinen túsirgen. Qoldaryna trımmer ustap, qystygúni shóp shaýyp júrgenderdiń áreketi birden jergilikti pablıkterge tarap, oqyrmandardyń qyzý talqysyna tústi.

Aldaǵy kúnderi Soltústik Qazaqstan oblysyna Premer-Mınıstr Asqar Mamınniń sapary josparlanǵan. Kópshilik bul jumystardy osyǵan oraı atqarylǵanymen baılanystyrdy.

Petropavl qalasy ákimdiginiń baspasóz qyzmeti QazAqparat tilshisine málim etkendeı, ákimdiktiń bul jumystarǵa esh qatysy joq. Oblys ortalyǵyndaǵy ZIKSTO zaýyty óz yntasymen aınaladaǵy aýmaqty retke keltirýge shyqqan.

Al ZIKSTO zaýyty mundaı jumystardy júrgizbegenin aıtýda.

«Vıdeoda aıaldama anyq kórinedi. Jumysshylar kóshede, aıaldamanyń qasyndaǵy shópti shaýyp júr. Biz mundaı jumystardy atqarǵan emespiz. Bizde tipti, shóp shabýǵa arnalǵan trımmerler de joq», - dep jaýap berdi tilshige ZIKSTO zaýytynan.




Joǵary qaraı