Aýa raıy
Astana -10 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda qala kóshesinde avtobýs órtendi

2020 jyldyń 24 qarasha 2020 11:55

PETROPAVL. QazAqparat – Petropavlda baǵyttyq avtobýs órtendi, zardap shekkender joq, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, «101» qyzmetine Bolatbaev pen Shýhov kósheleriniń qıylysynda avtobýstyń órtenip jatqany jóninde habar búgin, saǵat 9.10 shamasynda túsken.

Órt sóndirýshiler 3 mınýtta jetip, jolaýshylar kóligin 7 mınýtta tolyq sóndirip aldy. Zardap shekkender men qaza tapqandar joq.

«Órt 22 M baǵyttyq avtobýsynyń qozǵaltqyshynan shyqqan. Órt sóndirýshiler kelgende júrgizýshi dalada júrgen. Onyń aıtýynsha, óz jumysymen ketip bara jatqandyqtan avtobýs bos bolǵan. 4 sharshy metr aýmaq órtke oranyp, kóliktiń júrgizýshi otyratyn jerine, aspaptar paneline zaqym keldi», - deıdi Órt sóndirý jáne avarııalyq-qutqarý jumystary mekemesiniń baspasóz hatshysy Aman Áýeshanov.

Jalpy SQO-da jyl basynan beri 62 kólik janǵan. Sonyń 44-i - jeńil kólik, 9-y - júk kóligi jáne 3 avtobýs órtendi.


Joǵary qaraı