Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda erteńnen bastap jylytý maýsymy bastalady

2021 jyldyń 19 qyrkúıek 2021 16:45

PETROPAVL. QazAqparat – Petropavlda erteńnen bastap jylytý maýsymy bastalady, qala ákimi tıisti qaýlyǵa qol qoıdy, dep habarlaıdy QazAqparat tilshisi.

Petropavlda 20 qyrkúıek jylytý maýsymy bastalady. Petropavl ákimi Bolat Jumabekov tıisti qaýlyǵa qol qoıdy.

Shahar basshysynyń aıtýynsha, birinshi kezekte áleýmettik nysandar – balabaqshalar, mektepter, aýrýhanalar men emhanalarǵa jylý beriledi.

«Qala turǵyndarynan taǵy da jylytý maýsymyna muqııat daıyndalý qajet ekenin, ásirese jylytý júıelerin qysymmen tekserýin ótinemin. Ókinishke oraı, ótken jylytý maýsymynda sapasyz daıyndalýǵa baılanysty keı páterlerde temperatýra tómen boldy. Árıne, jylýmen jabdyqtaý uıymdarynda da jylý jetkizýde problemalar týyndady. Barlyq osyndaı faktiler boıynsha tıisti jumystardy «Petropavl jylý júıeleri» JShS júrgizedi, biraq biz de jaǵdaıdy baqylaýda ustaýymyz qajet», - dedi Bolat Jumabekov.

Petropavlda búginde 1100-den asa kópqabatty turǵyn úı bar. Jylytý maýsymy byltyr 18 qyrkúıekte bastalǵan edi.

Ádette nysandar kezeń-kezeńimen qosylyp, bul jumystar on kúnge deıin sozylady.

Bastapqyda balabaqshalar, densaýlyq saqtaý nysandary jáne bilim mekemelerine jylý berilmek.

Keıin turǵyn úıler qosyla bastaıdy, onda da jylytý maýsymyna daıyndyq qujaty jáne jylý qýaty eseptegishteri bar baspanalarǵa basymdyq berilmek.


Joǵary qaraı