Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda er adam páterde marıhýana ósirip kelgen

2021 jyldyń 20 qazan 2021 14:37

PETROPAVL. QazAqparat – Petropavl turǵyny kóp qabatty úıdiń páterinde marıhýana ósirip, ustaldy. Bul bıyldyqqa esirtki ósirýge qatysty anyqtalyp otyrǵan tórtinshi derek, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl bólinisteriniń polıtseıleri zańsyz esirtki aınalymyna qatysty qylmystardyń aldyn alýmen jáne anyqtaýmen aınalysady. Jaqynda jedel qyzmetkerler Petropavldyń 29 jastaǵy turǵynyn ustady. Er adam óz páterinde marıhýana ósirip kelgen. Tártip saqshylary onyń baspanasynan salmaǵy 1 kg bolatyn ósimdiktiń bir túbin tapty, sondaı-aq marıhýanany ósirip-baptaýǵa arnalǵan jabdyqtardy tárkiledi.

Qylmystyq is sotqa deıingi tergep-tekserýlerdiń biryńǵaı tizilimine «Quramynda esirtki zattary bar, ósirýge tyıym salynǵan ósimdikterdi zańsyz ósirý» boıynsha engizildi.

«Kúdiktiniń aıtýynsha, marıhýanany ol ózi qoldaný úshin ósirip kelgen. Jalpy jyl basynan óńirde esirtkige qatysty 173 quqyq buzýshylyq tirkeldi. Onyń 40-y satýǵa, 15-i asa iri kólemde saqtaýǵa, 4-ýi – quramynda esirtki zaty bar ósimdikterdi ósirýge qatysty. Zańsyz aınalymnan 409 kg esirtki alyndy. Sonyń ishinde 4 kg 190 gr - gashısh, 4 kg 299 gr – sıntetıkalyq esirtki», - deıdi SQO PD Esirtki qylmysyna qarsy is-qımyl basqarmasy bastyǵynyń mindetin atqarýshy Ivan Terzıdı.


Joǵary qaraı