Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda Daewoo Matiz júrgizýshisi 50 jastaǵy áıeldi soǵyp ketti

2020 jyldyń 25 qarasha 2020 06:30

PETROPAVL. QazAqparat – Petropavlda Daewoo Matiz avtokóliginiń júrgizýshisi jaıaý júrginshi ótkeli arqyly ótpek bolǵan 50 jastaǵy áıeldi soǵyp ketti, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, jol-kólik oqıǵasy 23 qarasha kúni saǵat 8.00 shamasynda bolǵan. Daewoo Matiz avtokóliginiń 42 jastaǵy júrgizýshisi Jambyl kóshesiniń boıymen Trýd kóshesine qaraı kele jatyp jaıaý júrginshi ótkelinen ótip bara jatqan 50 jastaǵy áıeldi soǵyp ketken. Saldarynan jaıaý júrginshi jaraqattarymen úshinshi qalalyq aýrýhanaǵa jetkizildi. Daewoo Matiz júrgizýshisi medıtsınalyq kýálandyrýǵa jiberildi, onyń spırttik ishimdik ishpegeni rastaldy.

Osy oqıǵa boıynsha materıal jınalyp, protsestik sheshim qabyldaý jáne odan ári mamandandyrylǵan ákimshilik sotqa joldaý úshin Petropavl qalalyq polıtsııa basqarmasy ákimshilik polıtsııa bólimine tapsyryldy. Avtokólik arnaıy turaqqa qoıyldy.

«Barlyq jol qozǵalysyna qatysýshylar kóktaıǵaq kezinde qaýipti manevrler men shuǵyl tejeý jasaýdan bas tartý qajet. Tuman bolǵan kezde ara qashyqtyqty qatań saqtap, aqyryn júrý kerek. Qysta, ásirese kóktaıǵaqta jaıaý júrginshilerdiń, ásirese balalardyń joldarda asa uqypty bolyp, bastaryn qaterge tikpegenderi abzal. Kelip qalǵan kólik toqtap úlgermeýi múmkin», - deıdi Petropavl q. PB patrýldik polıtsııa batalonynyń komandıri Qanat Álimjanov.

Jyl basynan SQO joldarynda 159 jol-kólik oqıǵasy tirkelegen, saldarynan 30 adam mert bolyp, 206-sy jaraqat aldy.


Joǵary qaraı