Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda bolǵan jarylysqa baılanysty qylmystyq is qozǵaldy

2021 jyldyń 21 aqpan 2021 21:48

PETROPAVL. QazAqparat – Soltústik Qazaqstan oblysynyń prokýratýrasy Petropavlda kóp qabatty úıde bolǵan jarylysqa baılanysty qylmystyq is qozǵady, dep habarlaıdy QazAqparat tilshisi.

SQO prokýratýra baspasóz qyzmetiniń málimetinshe, kóp qabatty úıdegi jarylysqa baılanysty «Órt qaýipsizdigi talaptaryn buzý» baby boıynsha qylmystyq is qozǵaldy.

«Jedel tergeý toby quryldy. Jarylystyń neden bolǵanyn anyqtaý úshin qajetti saraptamalar taǵaıyndaldy. Qylmystyq istiń tergelý barysy oblys prokýrorynyń baqylaýynda bolady», - delingen baspasóz habarlamasynda.

Esterińizge salaıyq, búgin Petropavlda saǵat 16.00 shamasynda Internatsıonal kóshesindegi 21-úıdiń úıdiń birinshi qabatynda gaz ballony jaryldy.

Bes qabatty úıdegi oqsy oqıǵadan eki adam qaza taýyp, bireýi aýyr halde jansaqtaý bólimshesine jetkizildi. 120 adam qaýipsiz jerge shyǵaryldy.

Petropavl qalalyq ákimdigi baspasóz qyzmetiniń málimetinshe, zardap shekkender sany 16-ǵa jetti. Al evakýatsııalanǵan adamdar M.Qozybaev atyndaǵy SQÝ-dyń № 2 jataqhanasyna ornalastyrylyp jatyr. Olar ystyq tamaq jáne medıtsınalyq kómekpen qamtylǵan.

Joǵary qaraı