Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda bıyl 122 sottalǵan ótemaqy qoryna 6 mln teńgege jýyq májbúrli tólem jasaýy tıis

2021 jyldyń 21 qazan 2021 14:57

PETROPAVL. QazAqparat – Petropavlda sot úkimine sáıkes jábirlenýshilerdiń ótemaqy qoryna jalpy somasy 6 mln teńgege jýyq májbúrli tólemi bar 122 sottalǵan esepke alynǵan, dep habarlaıdy QazAqparat tilshisi.

Soltústik Qazaqstan oblysy boıynsha Qylmystyq atqarý júıesi departamenti baspasóz qyzmetiniń málimetinshe, 2018 jylǵy 10 qańtarda QR Prezıdentiniń qylmystyq quqyq buzýshylyqtardyń jekelegen quramdary boıynsha «Jábirlenýshilerge ótemaqy qory týraly» zańdy qabyldady. Bul jábirlenýshilerge ótemaqy tóleýdi qamtamasyz etýge baǵyttalǵan. Ótemaqy birjolǵy qarjylyq tólem túrinde beriledi.

«Jábirlenýshilerge ótemaqy qorynan qarajat seksýaldyq zorlyq-zombylyqqa baılanysty qylmystar boıynsha kámelettik jasqa tolmaǵan jábirlenýshilerge, adam saýdasyna jáne azaptaýlarǵa baılanysty qylmystar boıynsha jábirlenýshi dep tanylǵan adamdarǵa beriledi. Sondaı-aq densaýlyǵyna aýyr zııan keltirilgen ne adamnyń ımmýn tapshylyǵy vırýsyn juqtyrǵan adamdarǵa, jábirlenýshi qaıtys bolǵan jaǵdaıda jábirlenýshi quqyqtary berilgen adamdarǵa ótemaqy taǵaıyndalady. Zańdy oryndaý úshin probatsııa qyzmeti bólimi oblystyń jeke sot oryndaýshylarynyń óńirlik palatasymen birge jábirlenýshilerge ótemaqy qoryna májbúrli tólemderdi óndirip alý boıynsha jumystar júrgizip jatyr», - deıdi SQO boıynsha QAJD bastyǵynyń orynbasary Danııar Harıpov.

SQO boıynsha QAJD Petropavl qalasy probatsııa qyzmeti bóliminde bıyl osyndaı májbúrli tólemi bar 122 adam esepke alyndy. Olardyń sot úkimine sáıkes jalpy bereshegi - 5 815 855 teńge. Sottalǵandardyń 87-si 4 mln-nan astam teńgeni ótedi. Qalǵan 35 sottalǵannyń qorǵa bereshek somasy - 1 688 400 teńge.

Danııar Harıpovtyń aıtýynsha, májbúrli tólemdi ótemeıtin sottalǵandarmen profılaktıkalyq jumys júrgiziledi. Olar jumysqa ornalasýy úshin jumyspen qamtý ortalyǵyna jiberiledi, al eger sottalǵan sot úkimi boıynsha taǵaıyndalǵan májbúrli tólemdi múlde ótemeıtin bolsa, QR QK-niń 430-babyna sáıkes jaýapqa tartylady.


Joǵary qaraı