Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda bıyl 1,5 myń adam túngi tynyshtyqty buzǵandarǵa shaǵymdanǵan

2021 jyldyń 24 shilde 2021 03:21

PETROPAVL. QazAqparat – Petropavl polıtseıleri tún tynyshtyǵyn buzyp, jurttyń mazasyz alǵandardy tynyshtandyrý úshin bıyl 1,5 myń ret shaqyrtýǵa bardy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, turǵyndardan túngi shýǵa qatysty shaqyrtýlar negizinen jaldamaly páterlerge qatysty túsedi.

Petropavldaǵy E.Bóketov kóshesindegi jaldamaly páter de - sonyń biri. Maza ketken úı turǵyndary aıqaı-shýǵa toqtaý salý úshin ýchaskelik polıtseıdi birneshe ret shaqyrtqan.

№4 ýchaskelik polıtsııa pýnktiniń qyzmetkeri Baqyt Dúısembınov tún tynyshtyǵyn buzǵandarmen kúresý úshin olardy páterden shyǵaryp jiberýge májbúr bolǵan.

Osylaısha bul baspanada jyl basynan beri 15 ret turǵyn aýysypty.

«Másele páter bıýrosynyń ákimgerimen áńgimeleskennen keıin sheshildi. Ol páterdi tek kúndizgi ýaqytta saǵat 8.00-den 23.00-ge deıin jalǵa berý týraly sheshim qabyldady. Sodan beri turǵyndardyń shaǵymdanbaǵanyna bir aıdan astam ýaqyt ótti. Úı turǵyndary qazir alǵys aıtyp telefon shalady», - deıdi ýchaskelik ınspektor.

Baqyt Dúısenbınov bul polıtsııa ýchaskesinde eki jyldaı eńbek etip jatyr. Osy aralyqta bilikti qyzmetker turǵyndarmen til tabysyp, baılanys ornata bilgen.

Jalpy jyl basynan beri Petropavl aýmaǵynda polıtseıler tynyshtyqty buzý faktileri boıynsha kelip túsken habarlamalarǵa 1439 ret den qoıǵan.

Ákimshilik zańnamamen jumys kúnderi saǵat 22.00-den 09.00-ge deıin, demalys kúnderi saǵat 23.00-den 10.00-ge deıin shýlaýǵa tyıym salynǵan.


Joǵary qaraı