Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda alaıaqtar 93 jastaǵy keıýananyń 300 myń teńgesin jymqyryp ketken

2021 jyldyń 27 shilde 2021 02:43

PETROPAVL. QazAqparat – Petropavlda alaıaqtar 93 jastaǵy ájeıdi aldap, onyń jıǵan-tergen 300 myń teńgesin alyp ketti, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, 22 shilde kúni keshke qylmyskerler 93 jastaǵy Petropavl turǵynyna habarlasqan. Alaıaqtar ájeıdiń úı telefonyna qońyraý shalyp, «nemeresin polıtseıler alyp ketti, máseleni sheshý úshin 5 myń dollar tóleý qajet» dep aldaǵan. Shoshynǵan keıýana jınaǵan 300 myń teńgesi barlyǵyn aıtqan. Telefon arqyly sóılesken adam, balkonnan

aqshany bir adamǵa laqtyrýyn buıyrǵan. Zeınetker olardyńaıtqanyn istegen. Artynan týystarymen habarlasqannan keıin ǵana, alaıaqtardyń arbaýyna túsip qalǵanyn túsingen.

Atalǵan fakti QR Qylmystyq kodeksiniń 190-baby «Alaıaqtyq» boıynsha Sotqa deıingi tergep-tekserýdiń biryńǵaı tizilimine engizildi.

«Bul qylmysty jasaǵandardy anyqtaý boıynsha jedel-tergeý is-sharalary júrgizilip jatyr. Qylmyskerler uıaly telefon bolmaǵan jaǵdaıda úı telefonyna habarlasady. Buǵan deıin telefon alaıaqtary joǵalǵan edi. Alaıda, sońǵy kúnderi Petropavlda tirkelgen bul ekinshi oqıǵa.

Jýyrda polıtsııaǵa taǵy bir zeınetker júgindi, oǵan da osylaısha qońyraý shalǵan. Ol birden týystarymen habarlasyp, alaıaqtar aıtqan adamynyń amandyǵyna kóz jetkizgennen keıin, polıtsııaǵa bolǵan jaǵdaı týraly

habarlaǵan», - deıdi Petropavl qalasy polıtsııa basqarmasy ekinshi polıtsııa bólimi bastyǵynyń mindetin atqarýshy Samat Tastan.


Joǵary qaraı