Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda 25 qyrkúıekte aýyl sharýashylyǵy jármeńkesi ótedi

2021 jyldyń 24 qyrkúıek 2021 14:05

PETROPAVL. QazAqparat – Petropavlda erteń, 25 qyrkúıekte oblystyq aýyl sharýashylyǵy jármeńkesi ótedi, azyq-túlik pen jem-azyq naryqtaǵy baǵadan 20 paıyzǵa deıin arzanǵa satylmaq, dep habarlaıdy QazAqparat tilshisi.

Petropavl qalalyq ákimdiginiń málimetinshe, oblystyq aýyl sharýashylyǵy jármeńkesi Petropavldaǵy eki kóshe boıynda uıymdastyrylady. Maǵjan Jumabaev kóshesinde, Internatsıonaldan-Pıoner kósheleriniń aralyǵy, azyq-túlik satyp alýǵa bolady. Bul kúni aýyl sharýashylyǵy taýaryn óndirýshiler jaımaǵa 100-den astam ónim túrin shyǵarýdy josparlaǵan. Olar: et, et ónimderi, sút pen sút ónimderi, jumyrtqa, balyq pen balyq ónimderi, kókónis, makaron ónimderi men bal.

Koronavırýs indetine baılanysty 1,5 jyldaı toqtap, qaıta uıymdastyrylǵan oblystyq jármeńkege óńirdiń barlyq aýdandary, Petropavl kásiporyndary óz taýarlaryn shyǵarady. Ónimder naryqtaǵy baǵadan 10-20 %-ǵa arzan bolmaq. Áleýmettik jelide satýshylarǵa usynylǵan baǵalardyń tizimi paıda boldy.
Joǵary qaraı