Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda 17 jastaǵy qyzdy zorlady degen kúdikpen bes jigit ustaldy

2021 jyldyń 14 maýsym 2021 20:40

PETROPAVL. QazAqparat – Petropavldaǵy demalys bazalarynyń birinde bes jigit 17 jastaǵy qyzdy zorlady dep kúdikke ilindi. Onyń úsheýi qamaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 11 maýsym kúni polıtsııaǵa «Berezovaıa roa» demalys bazasynyń aýmaǵynda qyzynyń zorlanǵanyn aıtyp Petropavl turǵyny aryzdandy.

Atalǵan fakti sotqa deıingi tergep-tekserýlerdiń biryńǵaı tizilimine «Zorlaý» jáne «Seksýaldyq sıpattaǵy zorlyq-zombylyq áreketteri» baptary boıynsha engizildi.

17 jastaǵy qyzǵa qatysty qylmys jasady degen kúdikpen demalys bazasynyń aýmaǵynda demalǵan Petropavl qalasynyń 17 men 20 jas aralyǵyndaǵy bes turǵyny ustaldy.

Úsheýi ýaqytsha ızolıatorǵa qamaldy, qalǵan ekeýine qatysty bultartpaý sharasyn taǵaıyndaý týraly másele tergeý áreketteriniń nátıjeleri boıynsha sheshiledi.

Qazir sotqa deıingi tergeý aıasynda sot saraptamalary taǵaıyndalyp, tergeý júrgizilip jatyr.


Joǵary qaraı