Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavlda 150 balýan-polıtseı ózara myqtyny anyqtaýda

2022 jyldyń 23 sáýir 2022 11:04

PETROPAVL. QazAqparat – Petropavlda quqyq qorǵaý organdary qyzmetkerleriniń arasynda qazaq kúresinen respýblıkalyq spartakıada ótip jatyr, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, ІІM-niń respýblıkalyq spartakıadasyna Polıtsııa departamentteriniń 18 qurama komandalarynan, «Dınamo» dene shynyqtyrý-sport qoǵamy ortalyq keńesiniń 8 komandasynan 150 palýan qatysyp jatyr. Saıys 6 salmaq dárejesi boıynsha - 66 keliden 100 kelige deıin jáne 100 keliden astam salmaq boıynsha ótkizilip jatyr.




Týrnırdiń ashylý saltanaty Aleksandr Vınokýrov Sport saraıynda ótti. QR Mádenıet jáne sport vıtse-mınıstri Serik Jarasbaevtyń aıtýynsha, bul týrnır Qazaqstan polıtsııasynyń 30 jyldyǵyna oraılastyrylǵan.

«Elimizdiń tynyshtyǵy men qaýipsizdigi polıtseılerdiń, jekeleı alǵanda, osy jarysqa qatysýshylardyń kúshimen qamtamasyz etiledi. Bul qıyndyǵy men jaýapkershiligi mol, aýqymdy jumys. «Dınamo» DShSQ bastamasymen uıymdastyrylǵan jarystyń qazaq kúresinen ótip jatqandyǵy qýantady. Qazaq kúresi – ulttyq sport túri», - dedi Serik Jarasbaev.




Іs-sharaǵa óńirlerdegi «Dınamo» DShSQ tóraǵalarynyń orynbasarlary, ardagerler shaqyryldy jáne barlyq kelemin deýshiler jarysty tamashalaı alady. Sporttyq merekeniń ashylý saltanatynyń qurmetti qonaǵy retinde Beıjińde ótken 2022 jylǵy Paralımpıada oıynynyń qola júldegeri Aleksandr Gerlıts jáne kásibı boksshy, sport ardageri Janat Jaqııanov qatysty.

Aqtyq oıyndar búginge josparlanǵan. Chempıondar «Dınamo Barysy» belbeýlerimen, kýboktar jáne gramotalarmen marapattalady.


















Joǵary qaraı