Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda 11 jasar balany qaqqan kólik júrgizýshisi izdestirilip jatyr

2021 jyldyń 22 qyrkúıek 2021 14:55

PETROPAVL. QazAqparat – Petropavlda 11 jasar balany jaıaý júrginshiler ótkelinde qaǵyp, biraq polıtsııaǵa habarlamaǵan kólik júrgizýshisi izdestirilip jatyr, dep habarlaıdy QazAqparat tilshisi.

Áleýmettik jelide qala turǵyny 11 jastaǵy balasyn Petropavldaǵy Qızatov kóshesindegi jaıaý júrginshiler ótkelinde soqqan kólik júrgizýshisin izdestirip jatyr. Aıtýynsha, bala mektepke bara jatqan. Joldy kesip óte bergende aq tústi kólik soqqan. Saldarynan bala qulaǵan, sómkesi jyrtylǵan. Kólik júrgizýshisi toqtap, balany mektebine deıin aparyp tastaǵan. Bolǵan oqıǵany ata-anasy tek keshke ǵana bilgen.

Petropavl qalalyq polıtsııa basqarmasynyń málimetinshe, «102» nómirine bul jaıynda habar tek saǵat 21.02 mınýtta túsken. Petropavldaǵy Qızatov kóshesindegi 9A úıge qarsy júrginshiler ótkelinde 2009 jylǵy jasóspirimdi kólik qaqqan.

Oqıǵa ornyna kelgen ınspektor jol-kólik oqıǵasynyń saǵat 12.00 shamasynda bolǵanyn anyqtady. Osy derek boıynsha «Júrgizýshiniń jol-kólik oqıǵasyna baılanysty mindetterin oryndamaýy» babymen ákimshilik is qozǵaldy. Qazirgi ýaqytta patrýldi polıtsııa batalonynyń qyzmetkerleri kólik júrgizýshisin izdestirip jatyr. Jol-kólik apatyn jasaǵan kólik júrgizýshisi 50-06-48 telefon nómiri arqyly kezekshi bólimge nemese «102» nómirine habarlasa alady. QR jolda júrý tártibine sáıkes kólik júrgizýshisi jol-kólik oqıǵasy jaıynda ishki ister organdaryna habarlaýǵa mindetti.


Joǵary qaraı