Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavlda 100-ge kelgen ardagerdiń mereıtoıy aýlada toılandy

2022 jyldyń 15 mamyr 2022 20:29

PETROPAVL. QazAqparat – Petropavldaǵy kóp qabatty úılerdiń aýlasynda ǵasyr jasaǵan Vasılıı Sýhomlınovtyń mereıtoıy ótti. Saltanatty sharany Ulttyq ulan Akademııasynyń áskerıleri uıymdastyrdy, dep habarlaıdy QazAqparat tilshisi.

Búgin Ekinshi dúnıejúzilik soǵystyń ardageri Vasılıı Sýhomlınov 100 jasqa toldy. Maıdangerdiń mereıtoıyna oraı Ulttyq ulan Akademııasynyń orkestri onyń aýlasynda kontsert qoıdy. Repertýar negizinen ardagerdiń jastyq shaǵynda aıtylǵan súıikti ánderinen, ıaǵnı soǵys kezinde týǵan mýzykalyq shyǵarmalardan turdy.
«Siz soǵys ýaqytynda eń aýyr synaqtan abyroımen ótken, aty ańyzǵa aınalǵan jeńimpazdardardyń ókilisiz. Sizdiń ómir jolyńyz, Otanǵa degen súıispenshiligińiz, onyń bolashaǵyna beıjaı qaramaýyńyz — jastarǵa, bárimizge úlgi. Sizge zor densaýlyq, otbasy jylýlyǵyn, jaqyndaryńyzdyń qamqorlyǵyn tileımin», - dedi Ulttyq ulan Akademııasynyń bastyǵy Baýyrjan Ábjanov.




Ardager óz kezeginde onyń mereıtoıyn uzaq ýaqytqa este qalatyndaı, áserli uıymdastyrǵany úshin jınalǵandarǵa alǵys aıtyp, maıdandaǵy oqıǵalarymen bólisti.
Merekelik baǵdarlama sońynda ardager men qonaqtarǵa merekelik dastarhan jaıyldy, jınalǵandar taza aýada sarbaz botqasynan dám tatty.
Ulttyq ulan Akademııasy baspasóz qyzmetiniń málimetinshe, Vasılıı Ivanovıch Sýhomlınov 1922 jyly 15 mamyrda Harkov oblysy Kýpeı aýdany Sepıh eldi mekeninde dúnıege kelgen.
1941 jyly maıdanǵa attanyp, qatardaǵy jaýynger 29 atqyshtar polkinde qyzmet etti. 1945 jyly elge aman-esen oraldy. 2 dárejeli Otan soǵysy ordenimen, «Germanııany jeńgeni úshin», «Keńes Odaǵynyń marshaly Jýkov G.K.» medaldarymen, mereıtoılyq medaldarmen marapattalǵan.




Soǵystan keıin Jambyl aýdany Troıtskoe aýylynda traktorshy bolyp jumys istedi. 2015 jyldan bastap Tımırıazev aýylynda turdy. 2020 jyldyń qazan aıynan bastap ardager Petropavl qalasynda turyp jatyr.
Jalpy búginde SQO-da 14 soǵys ardageri, 3 myńnan astam tyl eńbekkeri turady, olardyń ishinde 58-i «Soǵys kezindegi eren eńbegi úshin» medalimen nagradtalǵan.





Joǵary qaraı