Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda 1 jeltoqsannan bastap elektrondy bıletteý júıesi engiziledi

2020 jyldyń 24 qarasha 2020 13:25

PETROPAVL. QazAqparat – Petropavlda 1 jeltoqsannan bastap qoǵamdyq kólikte elektrondy bıletteý júıesi engiziledi, dep habarlaıdy QazAqparat tilshisi.

Petropavl qalalyq ákimdigi baspasóz qyzmetiniń málimetinshe, elektrondy bıletteý júıesi qoǵamdyq kólikterge birtindep engiziledi.

1 jeltoqsannan bastap ol 4 baǵyttyq avtobýsta qoljetimdi bolmaq. Keıin bul jumys jalǵasyn tabady.

Osylaısha qalǵan jolaýshylar kóligine de júıe engizilip, termınaldar qoıylady.

«1 jeltoqsannan bastap 27, 16, 26m, 6 baǵytyndaǵy avtobýstarda termınaldar jumys isteı bastaıdy. «ALEMPAY» kompanııasynyń ókilderi kelip, 27 qarashadan bastap kásiporyn mamandaryn jańa júıede jáne qondyrǵymen jumys isteýge úıretedi. Al turǵyndar úshin arnaıy beınerolıkter ázirlenedi», - deıdi «SQO Avtokólik odaǵy» qaýymdastyǵynyń tóraǵasy Galına Semenova.

Kólik kartasyn jol júrý bıletteri satatyn pýnktterden nemese oblystyq avtokólik odaǵynan satyp alýǵa bolady.

Ázirge quny – 500 teńge bolyp bekitildi, biraq arzandatylýy múmkin.

Sondaı-aq jolaqyny bank kartasymen de tóleýge bolady.


Joǵary qaraı