Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl turǵyny úsh qap marıhýanany kólik jaldap tasymaldaǵan

2020 jyldyń 29 qazan 2020 17:52

PETROPAVL. QazAqparat – Petropavlda tártip saqshylary kóshede toqtatylǵan kólikten 60 kelige jýyq marıhýana tapty, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, óńirde mamyr aıynan bastap «Qarasora» is-sharasy ótip jatyr. Petropavlda operatsııa aıasynda polıtseıler Qızatov-Hımenko kósheleriniń qıylysynda 44 jastaǵy júrgizýshi basqarǵan «Toyota Mark 2» avtokóligin toqtatqan. Júrgizýshiniń qasynda 50 jastaǵy jolaýshy bolǵan.

Kóliktiń júksalǵyshynan skotchpen oralǵan, ótkir ıisi bar ósimdik tektes zat salynǵan úsh qap tabyldy. Saraptama qorytyndysyna sáıkes onyń keptirilgen marıhýana ekendigi anyqtaldy. Salmaǵy 59 kg 770 gramm, bul asa iri kólemdegi esirtki sanalady.

Esirtki jolaýshyǵa tıesili. Onyń aıtýynsha, marıhýanany belgisiz adamnan satyp alǵan jáne ony tasymaldaý úshin júrgizýshi jaldaǵan. Qapta ne bar ekenin júrgizýshige aıtpaǵan.

Atalǵan fakti «Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» baby boıynsha Sotqa deıingi tergep-tekserýdiń biryńǵaı tizilimine engizildi. Kúdikti ýaqytsha ustaý ızolıatoryna qamaldy, polıtseıler bolǵan oqıǵanyń mán-jaıyn anyqtaýda.

«Bul - jyl basynan alynǵan eń iri kólemdi esirtki. Jalpy jyl basynan zańsyz aınalymnan 390 keli túrli esirtki, onyń ishinde 1 kg 690 gramm sıntetıkalyq esirtki alyndy. Qylmystyq jaýapkershilikke 85 adam tartyldy», - deıdi oblystyq polıtsııa departamenti bastyǵynyń orynbasary Rýslan Nazarov.



Joǵary qaraı