Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl kóshesinde jalańash júrgen er adam sottaldy

2021 jyldyń 2 jeltoqsan 2021 11:02

PETROPAVL. QazAqparat – Petropavlda kóshege tyr jalańash shyqqan er adam ákimshilik jaýapkershilikke tartyldy, dep habarlaıdy QazAqparat tilshisi.

Áleýmettik jelide Petropavldaǵy Oıqala yqsham aýdanynda kúndiz tyr jalańash júgirgen er adamnyń beınejazbasy paıda boldy.

Polıtseıler quqyq buzýshyny ustady. Ol 35 jastaǵy qala turǵyny bolyp shyqty. Esirtkige elitken er adamǵa «Usaq buzaqylyq» boıynsha materıal jınalyp, is sotqa jiberildi.

Petropavl qalasynyń ákimshilik quqyq buzýshylyq jónindegi mamandandyrylǵan soty 29 qarasha kúni 1986 jyly týǵan Petropavl turǵynyna qatysty isti qarady. Quqyq buzýshy óz kinásin moıyndady.

Sot er adamdy kináli dep taýyp, 10 kúnge ákimshilik qamaýǵa alýǵa úkim shyǵardy.


Joǵary qaraı