Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavl kóshesinde 5 kólik soqtyǵysty

2022 jyldyń 17 qańtar 2022 19:22

PETROPAVL. QazAqparat – Petropavlda júk kóliginiń júrgizýshisi rýlge ıe bola almaı qalyp, jol-kólik oqıǵasyna sebepshi boldy, dep habarlaıdy QazAqparat tilshisi.

Jol-kólik oqıǵasynyń beınejazbasy jergilikti pablıkterde tarady. Bir júk kóligi jáne tórt jeńil mashına, eki elektr baǵany zaqymdanǵan jol apaty saldarynan Petropavldaǵy Áýezov kóshesinde birer saǵatqa jol qozǵalysy qıyndady.

«17 qańtar kúni Áýezov kóshesinde jol-kólik oqıǵasy bolyp, saldarynan 5 kólikke mehanıkalyq zaqym keldi jáne kóshe jaryǵynyń eki baǵany búlindi.


Aldyn ala anyqtalǵany, «ISUZU» júk kóliginiń júrgizýshisi rýlge ıe bola almaı qalyp, joldyń qarsy betine shyǵyp ketken. Saldarynan «Toyota Land Cruiser», «Toyota Mark II», «GAZ 53» jáne «Volkswagen» mashınalarymen soqtyǵysqan. Sondaı-aq júk kóligi sham baǵandaryn soqqan.

Medıtsınalyq kýálandyrý kólik júrgizýshisiniń spırttik ishimdik ishpegenin kórsetti. Qazir oqıǵanyń mán-jaıy anyqtalyp jatyr. Naqty sebebi ákimshilik óndiristiń nátıjesine qaraı belgili bolady. Qazirgi ýaqytta zaqymdanǵan kólikter joldan alyndy. Áýezov kóshesinde jol qozǵalysy qalypqa keldi», - delingen Petropavl qalalyq polıtsııa basqarmasy taratqan habarlamada.


Joǵary qaraı