Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavl halyqaralyq áýejaıy úshinshi ret satylymǵa shyǵarylady

2022 jyldyń 26 mamyr 2022 20:44

PETROPAVL. QazAqparat – Petropavl áýejaıy eki ret satylymǵa shyǵarylyp, ótpedi. Jergilikti bılik mańyzdy nysandy senimgerlik basqarýǵa berip, shyǵyndy kásiporynnyń jaǵdaıyn túzemek, dep habarlaıdy QazAqparat tilshisi.

Soltústik Qazaqstan oblysynyń ákimi Qumar Aqsaqalovtyń aıtýynsha, áýejaı múlki jaqyn mańda taǵy da saýdaǵa túsedi.

«Birinshi saýdada ótpegendikten ekinshi ret baǵasyn eki ese arzandatýǵa májbúr boldyq. Osy joly, úshinshi saýdada alǵashqy qunyn qaıtaramyz, ıaǵnı 5,6 mlrd teńgege saýdalanbaq. Qyzyǵýshylar tabylýy múmkin», - deıdi óńir basshysy.

Qumar Aqsaqalovtyń aıtýynsha, jyl saıyn áýejaı jumys isteýi úshin bıýdjetten 200 mln teńge jumsalady.

«Qazir áýejaı jumys istep tur. Biraq avıatsııalyq qaýipsizdik qyzmeti bizge ondaǵy olqylyqtardyń ornyn toltyryńdar dep únemi aıtady. Máselen munaı qoımasy kerek. Sonda úlken ushaqtar ushatyn bolady, bul tasymaldy arttyrady. Biraq bul máseleni sheshý úshin úlken ınvestıtsııa qajet. Kóptegen mamandardy tartý qajet. Ókinishke oraı, biz ázirge bıýdjet qarajatyna bul shyǵyndardy engize almaımyz. Investorlar kelip, bıznesti júrgizýi kerek. Ol úshin halyqaralyq áýe kompanııalarymen baılanys ornatyp, kelissózder júrgizý qajet. Ákimdik bul sharýamen aınalysa almaıdy», - dedi SQO ákimi.

Buǵan deıin Petropavl áýejaıynyń satylymǵa shyǵarylǵanyn aıtqan edik.

Saýda 12 mamyr kúni ótip, áýejaı satylmady.


Joǵary qaraı