Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavl botanıkalyq baǵyndaǵy jemister mol ónim berip jatyr

2022 jyldyń 17 qańtar 2022 23:51

PETROPAVL. QazAqparat – Petropavl botanıkalyq baǵyndaǵy tropıkalyq jemis aǵashtary qystyń kózi qyraýda mol ónim berip, oranjereıa qyzmetkerleri men tamashalap kelýshilerdi qýantyp jatyr, dep habarlaıdy QazAqparat tilshisi.

Ǵasyrdan astam tarıhy bar botanıkalyq baq, ásirese qystyń kúni turǵyndardyń súıikti demalys ornyna aınalady. Sary aıazdan kelgen qonaqtar munda jasyl aralǵa túskendeı sezimde bolady. 2 myńǵa jýyq, sonyń ishinde sırek kezdesetin tropıkalyq ósimdigi bar oranjereıa búginde gúlge kómkerilip, jemis aǵashtary mol ónim berip jatyr. Sonyń biri – lımon aǵashtary.




«Bul panderoza lımony, pampelmýs pen lımonnyń gıbrıdi. Sondaı-aq ony Kanada nemese Kýba lımony dep te ataıdy. Biz, ózimiz, ony Kýba lımony dep ataımyz. Óıtkeni jemis aǵashyn kezinde Keńes delegatsııasy quramynda barǵan ákem Ravıl Hasanulyna Fıdel Kastronyń inisi Raýl Kastro syıǵa tartqan. Qazir bul zalda 10-12 lımon aǵashy bar. Negizi bul – karlık aǵashtar. Al tabıǵatta tsıtrýs aǵashtarynyń bıiktigi 12 metrge deıin jetedi», - deıdi botanıkalyq baqtyń dırektory Artýr Rıazapov.







Lımon jemisteriniń árqaısysynyń salmaǵy 500-600 gr shamasynda. Byltyr kelige deıin jetken. Mamannyń aıtýynsha, bul aǵashtyń ereksheligi – ol jylyna tórt ret jemis beredi, bir qyzyǵy kúzgi jemisteri ádette iri bolyp keledi eken.

«Úndi elinde, Ońtústik Qytaıda, jalpy Azııanyń ońtústik-shyǵys elderinde keń taraǵan jemis aǵashy. Qazir baqta meıera lımony gúldep tur. Mandarınniń jartysy jemis berse, qalǵany endi gúldep jatyr. Anar túıin túıýdi bastady. Іnjir, papaııa, mýraııa aǵashtary bar. «Altyn» mandarınnen bıyl da mol ónim alamyz dep oılaımyn», - deıdi Artýr Rıazapov.



Joǵary qaraı