Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Penjimdegi oqýshylardyń jappaı tóbelesi: Aýdan ákimi turǵyndarmen kezdesti

2021 jyldyń 28 qazan 2021 19:07

PENJІM. QazAqparat - Búgin Almaty oblysyndaǵy Panfılov aýdanynyń ákimi Penjim aýylyndaǵy jaǵdaı boıynsha turǵyndarmen kezdesti, dep habarlaıdy QazAqparat tilshisi.

Panfılov aýdany Penjim aýylyndaǵy oqýshylardyń 27 qazanda jasaǵan teris qylyǵy áleýmettik jelilerde kóp talqylandy. Búgin kenttiń Mádenıet úıinde másele oblystyq deńgeıde kóterildi.

Janjal 9, 10 jáne 11-synyp oqýshylarynyń sózge kelise almaýynan bastalǵan bolatyn. Sońy 20-dan astam adam qatysqan jappaı tóbeleske ulasty. Qaqtyǵys kezinde 2 adam zardap shekti.

Kezdesý barysynda jıynǵa qatysýshylar jastardyń buzaqylyǵyn talqylady.

«Men munda túni boıy boldym. Jastardyń jaýapsyz áreketin kórdim. Olar mektep janjalyn órshitip, jergilikti turǵyndarǵa zııan keltirdi. Men aqsaqaldardy, jergilikti turǵyndardy balalardy bir-birin qurmetteýge úıretýge shaqyrǵym keledi. Sizder ómir boıy osy jerde turasyzdar. Bir-birińizige dos, kórshi, baýyr, áriptessizder. Sizder qýanysh pen qaıǵy-qasiretti birge bólisesiz. Osy qundylyqtardyń barlyǵyn balalaryńyzǵa jetkizýlerińiz kerek», - dedi Panfılov aýdanynyń ákimi Talǵat Ómirálıev.

Aýyl turǵyndary da bir-birin qurmetteýge shaqyrdy.

«Jastar – eldiń bolashaǵy. Biz olardyń tárbıesine kóńil bólýimiz kerek. Mundaı jaǵdaılar arqyly búkil eldiń kóńilinde bizge qatysty teris pikir týyndaıdy. Degenmen, aıtqym kelgeni, bul ultaralyq qaqtyǵys emes. Osyndaı jaǵdaıdyń oryn alýy óskeleń urpaqty tárbıeleýdegi olqylyqtardyń kórinisi dep bilemin. Oqıǵany órbitýdiń qajeti joq. Keı adamdar osy jaıytty teris maǵynada qoldanady. Olar keshegi kezdeısoq órtti sol oqıǵanyń saldary retinde kórsetýge tyrysty. Biraq bul olaı emes jáne sizder bárin bilesizder. Bir-birimizdi qurmetteıik. Bizdiń elimiz de, jerimiz de – bir», - dedi Penjim aýylynyń turǵyny Aýtjan Hamraev.

Panfılov aýdanynyń ákimi Talǵat Ómirálıev bolǵan oqıǵada ultaralyq másele joqtyǵyn aıtty.

«Qazir osy jerde ultaralyq úlken másele bar dep aıta almaımyn. Bul jas balalar arasyndaǵy oryn alǵan jaıt. ıAǵnı balalardyń tentektik tanytýynyń saldarynan oryn alǵan. Tek qana mektepten emes, úıden tárbıe berý, bir-birin syılaýǵa úıretý kerek. Aýdan ákimi retinde ultaralyq máseleni kórip otyrǵanym joq. Tárbıe jaǵyna úlken mán berýimiz qajet», - dedi aýdan ákimi.

Keshe Panfılov aýdanynyń Penjim aýylynda oqýshylar arasynda jappaı tóbeles bolǵanyn buǵan deıin habarlaǵan bolatynbyz.

Almaty oblystyq Polıtsııa departamenti baspasóz qyzmetiniń resmı aqparatyna sáıkes, atalǵan fakti boıynsha QR QK 293-babynyń 2-bóligi boıynsha qylmystyq is qozǵaldy.

Dárigerler zardap shekken balanyń densaýlyǵy týraly aıtty.


Avtor Samal Qabysheva
Basty sózder: Ákim, Oqıǵa, Qoǵam, Almaty oblysy, Aımaq,
Joǵary qaraı