Aýa raıy
Astana 8 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Pedofıldi ustaǵan polıtsııa qyzmetkeri «Aıbyn» ordenimen marapattaldy

2020 jyldyń 27 shilde 2020 09:47

NUR-SULTAN. QazAqparat – Qazaqstan Respýblıkasy Prezıdenti Qasym-Jomart Toqaevtyń Jarlyǵymen Almatyda pedofıldi ustaǵan polıtsııa maıory Baqytjan Bákirov ІІ dárejeli «Aıbyn» ordenimen marapattaldy. Bul týraly QazAqparat ІІM baspasóz qyzmetine silteme jasap habarlaıdy.

«Qyzmettik mindetin atqarý kezinde batyldyq pen qaısarlyq kórsetkeni úshin Іshki ister mınıstrligi Almaty qalalyq polıtsııa departamentiniń Túrksib aýdandyq polıtsııa basqarmasynyń jedel ýákili– Baqytjan Ánýarbekuly Bákirov ІІ dárejeli «Aıbyn» ordenimen marapattalsyn», - delingen Jarlyq mátininde.

Esterińizge sala keteıik, oqıǵa 11 shildede Túrksib aýdanynda jeke úıler alabynda bolǵan. Túste kúdikti Pokrovskaıa kóshesinde ornalasqan úılerdiń birine kiltti tańdaý aqyly kirgen. Úıde 2 bala - tórt jastaǵy ul bala men onyń 15 jastaǵy ápkesi bolǵan. Qaskóı pyshaqpen qorqytyp, 17 myń dollardy ıemdenip, sodan keıin qyzdy qorlaǵan. Keıin Ál-Farabı dańǵylyndaǵy úıde jasyrynǵan kúdikti polıtsııadan qashyp turǵyn úıdiń joǵarǵy qabatynan sekirip ketken. Sol kezde maıor Baqytjan Bákirov onyń artynan birge sekirip, qylmyskerdi qýyp jetken.

Osy batyldyǵy úshin Baqytjan Bákirovti Іshki ister mınıstri Erlan Turǵymbaev «Quqyq tártibin qamtamasyz etýde qosqan úlesi úshin» medalimen marapattaǵan edi.


Joǵary qaraı