Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pedagogtardyń jalaqysyn ári qaraı ósirý protsesi jalǵasady – Bilim mınıstri

2021 jyldyń 12 qazan 2021 11:59

NUR-SULTAN. QazAqparat – 2023 jyldan bastap tolyq jınaqtalǵan aýyl mektepterin jan basyna qarjylandyrýǵa birtindep kóshirý josparlanyp otyr. Bul týraly Úkimet otyrysynda «BILIMDI ŪLT» barshaǵa arnalǵan sapaly bilim» ulttyq jobasyn tanystyrý kezinde Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Orta bilim berý júıesiniń sapasyn arttyrýǵa toqtalsaq, Ulttyq joba aıasynda bir jaǵynan qala men aýyl jáne óńirler arasyndaǵy bilim sapasyndaǵy alshaqtyqty azaıtý, ekinshi jaǵynan jalpy respýblıkanyń bilim sapasyn arttyrý úshin keshendi sharalar qarastyrylady. Memleket basshysynyń tapsyrmasy boıynsha pedagogtardyń jalaqysyn ári qaraı ósirý máselesi qamtyldy. Oqýlyqtardy ázirleý jáne olarǵa saraptama júrgizýge jańa tásilder ázirlenedi, pedagogtardyń kásibı damytý júıesi jetildiriletin bolady», - dedi A. Aımaǵambetov.

Onyń aıtýynsha, pandemııaǵa jáne aldyńǵy oqý jylyndaǵy qashyqtan oqytýǵa baılanysty «Tsıfrlyq ustaz» jobasyn iske asyrý Ulttyq jobaǵa engizildi.

«Qazirgi ýaqytta bilim salasyndaǵy tárbıe jumysynyń mańyzdylyǵyn eskere otyryp, «Qundylyqtarǵa negizdelgen bilim berý» tárbıe jobasyn iske asyrý, mektep pen ata-ananyń ózara qarym-qatynasy júıesin jetildirý, ózin-ózi basqarý, debat qozǵalystaryn odan ári damytý sııaqty jobalar da qarastyryldy. Buǵan qosa 2023 jyldan bastap tolyq jınaqtalǵan aýyl mektepterin jan basyna qarjylandyrýǵa birtindep kóshirý josparlanýda. Bul da qala men aýyl mektepteri arasyndaǵy sapa alshaqtyǵyn sheshýge múmkindik beredi», - dedi mınıstr.

Budan buryn habarlanǵandaı, barlyq balabaqshada balany damytýdyń jańa modeli engiziledi.



Joǵary qaraı