Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodardyń 72 turǵyny Astana kúni qarsańynda baspanaly boldy

2020 jyldyń 3 shilde 2020 22:56

PAVLODAR. QazAqparat - Tsıolkovskıı, 12/3 mekenjaıyndaǵy jańa kópqabatty úı «Nurly jol» baǵdarlamasynyń aıasynda turǵyzyldy, dep habarlaıdy pavlodarnews.kz.

Pavlodar ákimi Qaırat Núkenov pavlodarlyqtardy eki birdeı mereıli kúnmen quttyqtady.

- Kele jatqan Astana kúnimen shyn júrekten quttyqtaımyn, - dedi Qaırat Núkenov. – Memleketimizdiń basty maqsaty – halyqtyń ál-aýqatyn kóterý. Qazirgi ýaqytta áleýmettik jańǵyrtý máselesine erekshe nazar aýdarylǵan. Mine, búgingi úıdiń ashylýy – turǵyn úı saıasatymyzdyń mańyzdy nátıjesi. Shańyraqtaryńyz árqashan jaqsylyqqa tola bersin. Barlyqtaryńyzǵa yrys, baq-bereke tileımin.





Qalalyq qarjy bólimi basshysynyń orynbasary Asyǵat Ahmetovtiń aıtýynsha, baspanaly bolǵan 72 adamnyń 27-si – jergilikti atqarýshy organdar ókilderi. Qalǵandary – «Turǵyn úı qurylys jınaq bankiniń» salymshylary.

Búgin qonys toıyn toılaǵan 3-qalalyq aýrýhananyń sáýleli dıagnostıka dárigeri Meıirjan Mashrapov qala basshylyǵyna rızashylyǵyn bildirdi.

- Bul ómirimizdiń eń baqytty sátterdiń biri, - deıdi ol. – Ákimdik pen «Turǵyn úı qurylys jınaq bankine» memlekettik baǵdarlamaǵa qatysyp, sol arqyly bir bólmeli páterdiń ıesi bolǵanymyzǵa alǵys aıtamyz. Osynaý qıyn-qystaý zamanda úı qurylysyna atsalysqan azamattarǵa da rızamyz. Dáriger retinde barlyqtaryńyzǵa zor densaýlyq tileımin.

Aıta keteıik, «Saryarqa» móltekaýdanynda boı kótergen jańa úı 72 páterden turady. Olardyń 36-sy bir, 18 – eki jáne qalǵan 18-si úsh bólmeli páterler.








Joǵary qaraı