Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Pavlodarda sport saraıy men shıpajaı provızorlyq statsıonarǵa aınaldy

2020 jyldyń 2 shilde 2020 08:14

PAVLODAR. QazAqparat - Pavlodardaǵy «Baıantaý» sport saraıynda trıaj ortalyǵy ashylady, dep habarlaıdy QazAqparat.

Bul jóninde oblys ákimi Ábilqaıyr Sqaqov málimet taratty.

«Baıantaý» sport saraıynda trıaj ortalyǵyn quramyz. Jedel járdem brıgadalary ákelgen naýqastardy tájirıbeli dárigerler qarap, statsıonarlarǵa úılestiredi. Ǵımarat qatań túrde «taza» jáne «las» zonalarǵa bólindi. Naýqastardyń barlyq joldary sanıtarlyq-epıdemıologııalyq talaptarǵa sáıkes jasaldy. Emdelýshilerdiń de, qyzmetkerlerdiń de qaýipsizdigi bárinen mańyzdy. Munda 150 provızorlyq tósek-oryn ornalastyramyz. «Moıyldy» shıpajaıynyń ǵımaratynda «jeńil» naýqastarǵa arnalǵan taǵy 500 oryn ashamyz. Provızorlyq naýqastarǵa arnalǵan 80 oryn «EEK» AQ emdeý-saýyqtyrý kesheninde jáne 70 oryn Aqsý qalasyndaǵy «Eýrazııa» medıtsınalyq ortalyǵy ǵımarattarynda jasalady. Erteń 800 provızorlyq tósek-oryn ashylady. Barlyq nysandarda patsıentterdiń jaıly jáne qaýipsiz turýyna jaǵdaı bar» dep jazdy oblys ákimi Instagram paraqshasynda.

«Baıantaý» sport saraıy negizindegi trıaj-ortalyq jáne Moıyldy men Aqsýdaǵy qosymsha provızorlyq statsıonarlar jaqyn arada ashylady.

Jospar boıynsha, oblysta provızorlyq patsıentterge arnalǵan 800 tósek-oryn paıda bolady.



Joǵary qaraı