Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda oqýshy bala shuńqyrǵa qulap ketti

2021 jyldyń 14 qazan 2021 11:44

PAVLODAR. QazAqparat – Pavlodar qutqarýshylary shuńqyrǵa qulap ketken 11 jasar balany aman alyp shyqty, dep habarlaıdy QazAqparat Pavlodarnews.kz saıtyna silteme jasap habarlaıdy.

Oqıǵa oblys ortalyǵyndaǵy Jeltoqsan kóshesi, 151 mekenjaıynda ornalasqan jeke úıdiń aýmaǵynda bolǵan.

Pavlodar oblystyq Tótenshe jaǵdaılar departamenti baspasóz qyzmetiniń málimetinshe, 13 qazan kúni túngi saǵat 22:27-de «112» pýltine oqys oqıǵa týraly habarlama kelip túsken.

«Oqıǵa ornyna 4 qutqarýshy, 1 tehnıka bardy. Qutqarýshylar kelgen boıda shuńqyrǵa túsip, alpınıstik qural-jabdyqtardyń kómegimen balany shyǵaryp aldy. Bala jedel túrde «103« qyzmetine tapsyrylyp, oblystyq balalar aýrýhanasyna jatqyzyldy», - delingen baspasóz habarlamasynda.




Osy oraıda, tótenshe jaǵdaılar departamentiniń mamandary kezdeısoq shuńqyrǵa túsip ketken adamǵa kómektesetin birneshe qarapaıym erejeler bar ekenin eske salady.
«Bul jaǵdaıda úreıge berilmeý kerek. Qatty qozǵalys jasamańyz. Eger sizde telefon bolsa, dereý qutqarý qyzmetine «112« jáne «101« nómirleri boıynsha qońyraý shalyńyz. Al uıaly telefon bolmaǵan jaǵdaıda aıǵaılap, kómekke shaqyryńyz», - deıdi mamandar.





Basty sózder: Aımaq, Oqıǵa, Qoǵam, Pavlodar oblysy,
Joǵary qaraı