Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda kisi óltirgeni úshin sottalǵan kópbalaly ana sot zalynda bosatyldy

2021 jyldyń 14 sáýir 2021 04:20

PAVLODAR. QazAqparat - Týysyn óltirgen áıeldiń jazasy jeńildetildi, dep habarlaıdy Ravlodarnews.kz.

Úkimdi oblystyq sotta jarııalady.

Sot úkim shyǵarǵan kezde sottalýshynyń alty balasy bar, olardyń úlkeni 11 jasta, kishi qyzy ótken jyldyń jeltoqsan aıynda dúnıege kelgeni sebebinen úkimdi azaıtqan.

Sonymen qatar, áıeldiń turǵylyqty jeri boıynsha oń sıpattalǵanyn, jábirlenýshige qylmys jasaǵannan keıin birden kómek kórsetkenin eskerdi.

Marqumnyń anasy sot úkimin qatal dep sanaıdy.

«Men ulymdy ǵana emes, kelinimdi de joǵalttym. Ol kináli emes, ulym kináli. Alty nemere jetim qaldy. Kelin úıdi, balalardy baqylap, bizge qamqor boldy. Ony bas bostandyǵynan aıyrmaýdy suraımyn»- dedi zeınetker.

Bas bostandyǵynan aıyrmaý týraly ótinishhatqa aýyldastary 170 qol jınaǵan. Olar sottalýshyny sabyrly jáne meıirimdi áıel retinde sıpattady.

«Bizdiń, qoǵamnyń nemquraıdylyǵymyz kináli. Bári bizdiń kóz aldymyzda boldy. Ol jıi ishetin, uratyn. Men ájemnen nege polıtsııa shaqyrmaıtynyńyzdy suraǵanymda ol «uıat bolady» dep jaýap beretin» - deıdi Jańa qala aýylynyń qoǵam belsendisi Jaýqasyn Jumaǵulova.

Aýyl turǵyndary balalar árdaıym uqypty kıingenin, úlkenderi jergilikti klýbtaǵy úıirmelerge qatysqanyn aıtady.

Sotta sottalýshynyń ózi eger onyń qaıtys bolǵanyn qalasa, jedel járdem brıgadasyn shaqyrmaıtynyn jáne ony óltiretin oıy bolmaǵanyn málimdedi.

«Áıelge qaýipsizdigi ortasha atqarýshy júıe mekemesinde jazasyn óteı otyryp, 5 jyl merzimge bas bostandyǵynan aıyrý túrindegi jaza taǵaıyndalsyn. Bala 14 jasqa tolǵanǵa deıin jazany óteýdi bes jylǵa keıinge qaldyrylsyn», - dep habarlady oblystyq sottyń qylmystyq alqasynyń sýdıasy Temirtas Mahvatov.

Kóp balaly ana sot zalynda qamaýdan bosatyldy.

Aıta ketsek, 2021 jyldyń aqpan aıynda jańa qala aýylynyń turǵyny ortasha qaýipsizdik mekemesinde segiz jylǵa bas bostandyǵynan aıyrylǵan bolatyn.

Ótken jyldyń qyrkúıeginde áıel as úıde sarymsaq týrap turǵanda mas týysy mazasyn alǵan. Ol júktiliktiń sońǵy aıynda bolǵan sottalýshyny qorlap, qorqytqan jáne bir sátte uryp jibergen. Ókinishke oraı, áıeldiń pyshaqpen jaraqattaýynyń sońy ólimge ákeldi.

Ol kisi óltirgeni úshin kináli dep tanylyp, ortasha qaýipsizdik mekemesinde segiz jylǵa bas bostandyǵynan aıyryldy.


Basty sózder: Qylmyspen kúres, Sot, Pavlodar oblysy,
Joǵary qaraı