Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda kishkentaı balasyn aıaldamaǵa tastap ketken áıel tabyldy

2020 jyldyń 27 qarasha 2020 07:45

PAVLODAR. QazAqparat - Pavlodar oblysynda aıaldamadan tabylǵan 1 jasar búldirshinniń anasynyń qaıda ekeni anyqtaldy, dep habarlaıdy QazAqparat.

Aıta keteıik, keshe keshki 21:25 shamasynda Pavlodar qalasyndaǵy tramvaı aıaldamasynan kishkentaı bala tabylǵan bolatyn.

«VITA Pavlodar qalasynyń izdeýshileri» qoǵamdyq birlestiginiń jetekshisi Ekaterına Kýdrıavtsevanyń sózine sensek, olarǵa balanyń ájesi habarlasqan.

Olar sol arqyly sábıdiń anasyn tapqan. Balanyń aty - Batyr.

«Aıaldamadan tabylǵan bala oblystyq balalar aýrýhanasyna jetkizildi. Bizdiń izdeýshi jasaq Pavlodar polıtseılerimen birge áıeldiń qaıda ekenin anyqtap, tapty. Qurmetti analar! Qandaı jaǵdaı bolsa da, balańyzdy mynadaı sýyqta dalaǵa bulaı tastap ketpeńizder», - deıdi Ekaterına Kýdrıavtseva.

Áıeldiń balany qalaı aıaldamaǵa jalǵyz qaldyryp, ketip bara jatqany kameraǵa túsip qalǵan.


Avtor Janat Qapalbaeva
Basty sózder: Oqıǵa, Pavlodar oblysy,
Joǵary qaraı