Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda áıelin órtep jibergen er adam 8 jylǵa sottaldy

2021 jyldyń 29 qarasha 2021 20:56

PAVLODAR. QazAqparat – Aýdandyq sot kúdiktige úkim shyǵardy, dep habarlaıdy QazAqparat tilshisi.

«Pavlodar oblysynyń Pavlodar aýdandyq soty B. esimdi azamatqa qatysty QR QK 106-baby 3-bóligi «Abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý» boıynsha qylmystyq isti qarady», - dep habarlady Pavlodar oblystyq sotynyń baspasóz qyzmeti.

Aıyptalýshy segiz jylǵa bas bostandyǵynan aıyryldy.

Ol jazasyn qylmystyq-atqarý júıesiniń ortasha qaýipsizdik mekemesinde óteıdi. Úkim zańdy kúshine enbedi.

Sot 2021 jyldyń 8 tamyz kúni saǵat 00:15 shamasynda Rozovka aýylyndaǵy úıde janjal kezinde B. esimdi azamattyń óziniń áıeline spırt quıyp, órtegenin anyqtady.

Onyń kıimi men shashy órtene bastaǵan. Dene jaraqaty saldarynan zardap shegýshi aýrýhanaǵa jatqyzylǵan, 2021 jyldyń 17 tamyz kúni kúıik shalyp, qaıtys bolǵan.

«Prokýror sottan B. esimdi azamatty kináli dep tanyp, ony segiz jylǵa bas bostandyǵynan aıyrýdy suraǵan. Aıyptalýshy óz kinásin moıyndady», - dedi vedomstvodan.

Aıyptalýshynyń kinásin oqıǵa orny men odan alynǵan zattardy tekserý hattamalary, zattaı dáleldemelerdi tirkeý qaýlysy, zardap shegýshiniń sot-medıtsınalyq saraptamasynyń nátıjesi, aıyptalýshynyń aıtqandaryn tekserý jáne naqtylaý hattamasy, tergeýshiniń jansaýqtaý bóliminde zardap shegýshimen júrgizgen áńgimesiniń beınejazbasy jáne basqa da dálelder rastady.

«Baptyń sanktsııasy 8 jyldan 12 jylǵa deıin bas bostandyǵynan aıyrýdy qarastyrady. Aıyptaýdy kináni moıyndaý, shyn júrekten ókiný, qylmysty ashýǵa belsendi yqpal etý, qylmystyq quqyq buzýshylyqty birinshi ret jasaý, eki jas balanyń bolýy jeńildete alady», - dep qosty Pavlodar oblysy sotynyń baspasóz qyzmeti.

«Al aıyptaýdy aýyrlatatyn jaǵdaı – qylmysty mas kezinde jasaý» dedi oblystyq sottan.


Basty sózder: Oqıǵa, Pavlodar oblysy, Sot,
Joǵary qaraı