Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda 216 mln teńge sýbsıdııany jymqyrý faktisi anyqtaldy

2021 jyldyń 14 qyrkúıek 2021 17:11

PAVLODAR. QazAqparat - Qarjylyq monıtorıng agenttiginiń Pavlodar oblysy boıynsha aýmaqtyq departamenti «Sybaǵa» memlekettik baǵdarlamasy aıasynda bólingen qarajatty jymqyrǵan tulǵalar toby qyzmetiniń jolyn kesti, dep habarlaıdy QazAqparat.

Máselen, Pavlodar qalasynyń turǵyny S.Mýkın memleketten sýbsıdııalardy zańsyz alý maqsatynda Reseı aýmaǵynda iri qara mal satyp alyp, ony «Gereford», «Sımmental» asyl tuqymdy qara mal retinde kórsetken.

Atap aıtqanda, sýbsıdııalar alýǵa arnalǵan ótinimderde ol ІQM týraly jalǵan málimetterdi kórsetip, al satyp alý-satý sharttaryn ózi qoldan jasaǵan.

Sondaı-aq, Reseı Federatsııasynyń ýákiletti organdary asyl tuqymdy mal satyp alý deregin rastamaıdy.

Budan ári 100 myńnan 6 mıllıon teńgege deıingi aqshalaı syıaqy úshin S.Mýkın basqa kásiporyndarǵa memlekettik sýbsıdııalardy zańsyz alýǵa kómek kórsetken.

Tergeý anyqtaǵandaı, mundaı shema boıynsha Pavlodar oblysyndaǵy 10 sharýa qojalyǵy 216 mıllıon teńgege zańsyz sýbsıdııa alǵan.

Bas uıymdastyrýshy men sybaılastar ártúrli merzimge sottaldy.


Joǵary qaraı