Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynyń Jelezın aýdanyna jańa ákim taǵaıyndaldy

2021 jyldyń 27 qazan 2021 11:46

PAVLODAR. QazAqparat - Jelezın aýdanyn buǵan deıin Pavlodar aýdandyq máslıhatynyń hatshysy qyzmetin atqarǵan Aıtýǵan Shaıhımov basqarady, dep habarlaıdy QazAqparat Pavlodar oblysy ákiminiń baspasóz qyzmetine silteme jasap.

Pavlodar oblysynyń ákimi Ábilqaıyr Sqaqov Jelezın aýdanyn tórt jyl boıy basqarǵan Qanat Qasqyrovqa alǵys aıtyp, ary qaraıǵy qyzmetine tabys tiledi. Sodan soń aımaq basshysy aýdan aktıvine buǵan deıin aýdandyq máslıhattyń depýtattary qoldaý bildirgen jańa basshyny tanystyrdy. Ol Aıtýǵan Shaıhımovke birinshi kezekte oryndalýy tıis mindetterdi júktedi.

«Agroónerkásiptiń damýynyń negizgi kórsetkishi aýyl sharýashylyq ónimderin óńdeýdiń joǵary deńgeıi bolyp tabylady. Ol úshin jańa ınvestıtsııalar tartyp, aýdandaǵy agrarıılermen jumys istep, jańa óńdeý tehnologııalaryn engizý qajet. Sonymen birge, Ertis ózeniniń múmkindikterin paıdalanyp, qoldanysqa enbegen jerlerdi aınalymǵa engizý arqyly sýarmaly eginshilikti damytý qajet», - dedi oblys ákimi.




Sonymen birge, Ábilqaıyr Sqaqov adamı kapıtaldy damytýdyń qajettiligi týraly eske saldy. Ol úshin aýdanda bilim berýdiń barlyq baǵyttaryna: qosymsha, ınklıýzıvti, tehnıkalyq jáne kásibı bilim berýge basymdyq berilýi kerek.

Sondaı-aq, jańa basshy sportty damytýǵa kóp kóńil bólýi tıis. Aımaq basshysy jan basyna shaqqandaǵy qarjylandyrý baǵdarlamasynyń áleýetin paıdalanyp, sporttyq ınfraqurylymdy belsendi damytýdy tapsyrdy.

Aýdan aktıvimen kezdesý kezinde Pavlodar oblysynyń ákimi «Úzdik aýyl ákimi» respýblıkalyq konkýrsynda úshinshi oryn alǵan Bashmachın aýyldyq okrýginiń ákimi Merýertti Madaǵulova quttyqtady.

Aıtýǵan Shaıhımov 1980 jyly Jelezın aýdanynda dúnıege kelgen. Pavlodar memlekettik ýnıversıtetin «Qazaq tili jáne ádebıeti» mamandyǵy boıynsha jáne Innovatsııalyq Eýrazııa ýnıversıtetin «Memlekettik jáne jergilikti basqarý» mamandyǵy boıynsha aıaqtady. Eńbek jolyn 1998 jyly Jelezın aýdanynyń Eńbekshi mektebinde muǵalim bolyp bastady. Osy oqý ornynda dırektordyń orynbasary boldy. 2004-2007 jyldary «Qazaqstan - Pavlodar» RTRK AQ oblystyq fılıalynyń redaktory, aǵa redaktory qyzmetin atqardy. 2007-2009 jyldary Pavlodar oblysy ákiminiń apparatynda jumys istep, aımaq basshysynyń baspasóz qyzmetin basqardy.




2009-2010 jyldary Pavlodar oblysy ishki saıasat basqarmasynyń janyndaǵy saraptamalyq aqparat ortalyǵy dırektorynyń orynbasary boldy. 2010-2012 jyldary Maı aýdany ákiminiń áleýmettik máseleler jónindegi orynbasary laýazymynda qyzmet etti.

2012-2017 jyldary Pavlodar oblystyq máslıhatynyń apparatyna jetekshilik etti. 2017 jylǵy sáýir aıynan bastap VI shaqyrylymdaǵy Pavlodar aýdandyq máslıhatynyń hatshysy bolyp taǵaıyndaldy.


Basty sózder: Taǵaıyndaý, Pavlodar oblysy,
Joǵary qaraı