Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda júkti áıelderdiń koronavırýs juqtyrýy kóbeıdi

2021 jyldyń 29 shilde 2021 23:10

PAVLODAR. QazAqparat - Sońǵy táýlikte óńirde 7 aıaǵy aýyr áıel adamnan koronavırýs anyqtalǵan, dep habarlaıdy Pavlodarnews.kz.

Bul týraly onlaın ótken baspasóz jıynynda Pavlodar oblysynyń densaýlyq saqtaý basqarmasynyń basshysy Aıdar Seıitqazınov málim etti.

« Oblysymyzda aýrýhanalarǵa KVI juqtyrǵan júkti áıelder kóp túsýde. Aıaǵy aýyr áıelderge qaýipsizdik sharalaryn saqtaýdy eskertemiz. Qazirgi ýaqytta 44 júkti áıel emdelip jatyr. 1 áıel pnevmonııa juqtyrǵan. Aýrýhanalarda jeńil túrde 34, ortasha jaǵdaıda 2, aýyr jaǵdaıda 1 júkti áıel bar», - dedi Aıdar Seıitqazınov.

Basqarma basshysynyń aıtýynsha, jýyrda ókpesiniń 90 paıyzy zaqymdalǵan júkti áıel bosanǵanyn atap ótti.

«Ol áıelde ókpesi derlik tolyq zaqymdanǵan boldy. Júregi toqtady. Shuǵyl sharalar qabyldandy. Áıel adam ózdiginen bosandy. Qazir jaǵdaılary jaqsy. Kardıologııalyq ortalyqta jatyr. Qazir tamaqtanady, ózdiginen tynystap, sóıleıdi. Jaǵdaılary jaqsy», - dedi Aıdar Seıitqazınov.

№1 qalalyq aýrýhananyń akýsher-gınekology Irına Krasılnıkova júkti áıel adamnyń KVI juqtyrýy densaýlyqqa qalaı áser etetinin aıtty.

Aıaǵy aýyr áıeldiń KVI juqtyrýy sharanaǵa áser etedi. Іshtegi balanyń densaýlyǵyna qaýip tóndirýde. Túsik tastaýyna, dúnıege kelý ýaqyty jaqyndaǵan sharanalardyń shetinep ketýine áser etken jaǵdaılar boldy. Júkti áıelder KVI juqtyrǵanyn aýyr qabyldaýda. Psıhologılyq turǵyda aýyr tııýde, - dedi Irına Krasılnıkova.

Irına Krasılnıkovanyń aıtýynsha, KVI-diń anasynan balaǵa juǵatyn jaǵdaılar da oryn alyp turady.

«Sońǵy ret Ekibastuzdan kelgen áıel adamda osyndaı jaǵdaı oryn aldy. Onyń qosymsha aýrýlary bolyp, bosanarǵa deıin jansaqtaý bóliminde jatty. Onyń bosanýyna ruqsat berildi. Bosanǵannan keıin balada KVI anyqtaldy. Bala bólek jatqyzyldy. Anasy kelip otyrdy. Emdelýi aıaqtalǵanǵa deıin bizde jatty»- dedi Irına Krasılnıkova.

Jyl basynan beri Pavlodar oblysynda 2 áıel adam KVI juqtyrǵan sábıdi dúnıege ákelgen.


Basty sózder: Koronavırýs, Pavlodar oblysy,
Joǵary qaraı