Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda joldyń nashar jabdyqtalǵany úshin 21 ákim jazaǵa tartyldy

2021 jyldyń 24 qarasha 2021 21:25

PAVLODAR. QazAqparat – Bıylǵy 10 aıda Pavlodar oblysynyń polıtseıleri jalpy qoldanystaǵy joldardyń 1240 tekserisin júrgizdi, dep habarlaıdy QazAqparat.

«Aǵymdaǵy jyldyń 10 aıynda jalpy qoldanystaǵy joldardyń 1240 tekserisi júrgizildi. Onyń qorytyndysy boıynsha múddeli sýbektilerge kemshilikti joıý týraly 1255 eskertý joldandy», - dep baıandady Pavlodar oblysy polıtsııa departamentiniń baspasóz qyzmetinen.

Quqyq qorǵaý organdarynan jol-kólik ınfraqurylymyn jabdyqtaý - jol qaýipsizdigindegi mańyzdy faktor ekenin, osyǵan baılanysty aımaq polıtseıleriniń olardy turaqty tekserip otyratynyn aıtyp sendirdi. Osyndaı tekserister kezinde ártúrli buzýshylyqtar anyqtalýda.

«Joldardy jabdyqtaý jáne joldaǵy óndiris erejelerin buzǵany úshin 209 laýazymdy jáne zańdy tulǵa jaýapqa tartylǵan, sonyń ishinde aýyl jáne aýyldyq okrýgterdiń 21ákimi bar. Olarǵa 6 mıllıonnan astam teńge kóleminde aıyppul salyndy», - dep qosyp ótti oblystyq polıtsııa departamentinen.

Máselen, tekserý kezinde Sharbaqty tas jolynyń 10-shaqyrymynda jol qozǵalysy qaýipsizdiginine qaýip tóndiretin aqaýlar anyqtalǵan.

Kólik joldardyń jóndi jabdyqtalýyn qamtamasyz etpegen fılıaldardyń biriniń 44 jastaǵy dırektoryna qatysty QR Ákimshilik quqyqbuzýshylyqtar týraly kodeksiniń 631-baby boıynsha ákimshilik óndiris qozǵalyp, 10 AEK kóleminde aıyppul salyndy», - dep málimdedi Pavlodar oblystyq polıtsııa departamenti ákimshilik polıtsııa basqarmasy bastyǵynyń m.a Bákibaı Ahmedıanov.

Onyń aıtýynsha, jyl basynan beri 185 temirjol ótkeli tekserilgen. Olarda tıisti jol belgileri jáne jaryqtyń bolmaǵany, tósemniń qanaǵattanarlyqsyz jaǵdaıda ekeni anyqtaldy. Anyqtalǵan kemshilikterdi joıý úshin 185 eskertý berilgen. Temirjol ótkelderin jóndi jabdyqtamaǵany úshin 25 laýazymdy tulǵaǵa 730 myńǵa jýyq somaǵa ákimshilik aıyppul salyndy.


Basty sózder: Pavlodar oblysy, Qurylys,
Joǵary qaraı