Aýa raıy
Astana -12 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda jer telimderi elektrondyq saýdaǵa shyǵaryldy

2020 jyldyń 27 qazan 2020 20:15

PAVLODAR. QazAqparat - Alǵash ret Pavlodar oblysynda jer telimderi elektrondyq saýdaǵa shyǵaryldy, dep habarlaıdy QazAqparat oblys ákimdiginiń baspasóz qyzmetine silteme jasap.

Pavlodar oblysynda jer telimderi gosreestr.kz portalynda elektrondyq saýdaǵa qoıyldy. «Osy kúni onlaın saýda Pavlodar, Jelezın, Ýspen aýdandary men Ekibastuz qalasynyń jer qatynastary bólimderinde júrgizildi. Nátıjesinde 20 tamyzdan bastap jalpy aýdany 35 gektardan asatyn 6 jer ýchaskesi paıdalanýǵa berildi. Olardyń barlyǵy kásipkerlik qyzmet júrgizýge – negizinen dúkender, qoımalar jáne basqa da kommertsııalyq nysandar salýǵa arnalǵan», delingen habarlamada.
Elektrondyq saýda-sattyq qatysýshylarǵa jer telimin alý úshin teń múmkindik beredi. Portal arqyly onlaın tólem jasap, kepildik jarnany qaıtarýǵa bolady, sonymen qatar operatsııalyq shyǵyndy meılinshe az bolýyn qamtamasyz etip, adamı faktordy boldyrmaı, jeńimpazdy avtomatty túrde anyqtaıdy.
Aýktsıondar ótkizýdiń jarııalylyǵy men ashyqtyǵyn qamtamasyz etý úshin olar týraly saýda-sattyq ótkizilgenge deıin 15 kún buryn BAQ-ta, jergilikti atqarýshy organdardyń resmı saıttarynda, memlekettik múlik portalynda, sondaı-aq áleýmettik jelidegi paraqshada jarııalanady.


Joǵary qaraı