Aýa raıy
Astana 22 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Pavlodar oblysynda úsh aýysymdy, apattyq mektepter joq - Bolat Baqaýov

2019 jyldyń 14 qarasha 2019 13:46

NUR-SULTAN. QazAqparat - Pavlodar oblysynyń ákimi Bolat Baqaýov óńirdegi bilim kórsetkishteri týraly aıtyp berdi, dep habarlaıdy QazAqparat tilshisi.

«Bilim salasynda kópbalaly jáne jaǵdaıy nashar otbasy balalaryna qoldaý kórsetiledi. Olarǵa tegin jol júrý bıleti beriledi, balabaqshaǵa tegin qabyldanady. Óńirde 3 jasqa deıingi balalardy mektepke deıingi bilimmen 100% qamtamasyz ettik. Bul kórsetkish birneshe jyldan beri saqtalyp keledi», - dedi ákim Ortalyq kommýnıkatsııalar qyzmetinde 2019 jyldyń 10 aıyndaǵy óńirdiń áleýmettik-ekonomıkalyq damýy týraly baspasóz máslıhatynda.

Onyń aıtýynsha, óńirdegi 1 jastan asqan balalardy qamtý kórsetkishi 80,1% quraıdy. Respýblıka boıynsha ortasha kórsetkish 77,1% qurasa, bul óte jaqsy nátıje.

«Oblysta úsh aýysymdy nemese apattyq jaǵdaıdaǵy mektep atymen joq. Bilim berý sapasyn jaqsartý úshin oqytý uıymdarynyń jelisi keńeıýde. Ekibastuz qalasyndaǵy Solnechnyı aýylynda 420 oryndyq mektep qurylysy aıaqtaldy. Pavlodar qalasynda taǵy 2 mektep qurylysy bastaldy. Bıyl kópbalaly jáne az qamtylǵan otbasy balalaryn ystyq tamaqpen qamtamasyz ettik. Al qańtar aıynan bastap, 1-4 synyp aralyǵyndaǵy barlyq oqýshylar tegin ystyq tamaq ishetin bolady. Bul - shamamen bastaýysh synyptaǵy 51 myń bala», - dedi ákim.

Sonymen birge, B. Baqaýov stýdentterdi jataqhanamen qamtý sharalary jóninde aıtyp berdi.

«Pavlodar pedagogıkalyq ýnıversıteti bazasynda memlekettik-jekeshelik áriptestik arqyly 167 adamǵa arnalǵan jataqhana salyndy. Taǵy 2 jataqhana Pavlodar men Aqsý stýdentteri úshin jyl sońyna deıin paıdalanýǵa beriledi. Olardyń árqaısysynda 200 oryn bar. Kelesi jyly S. Toraıǵyrov atyndaǵy Pavlodar memlekettik ýnıversıteti men Pavlodar pedagogıkalyq ýnıversıteti janynan 500 oryndyq jataqhana ashylady», - dep óz sózin túıindedi Bolat Baqaýov.

Joǵary qaraı