Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda kópbalaly 76 otbasy baspanaly boldy

2019 jyldyń 2 mamyr 2019 03:21

PAVLODAR OBLYSY. QazAqparat - Pavlodar oblysynyń Aqsý qalasynda kópbalaly 70 otbasyǵa páter kiltteri tabystaldy, dep habarlaıdy QazAqparat pavlodarnews.kz saıtyna silteme jasap.

Qazaqstan halqynyń birligi kúni kópqabatty úıde birden 102 jaldamaly páter paıdalanýǵa berildi. Olardyń 70-i kópbalaly otbasylarǵa úılestirildi. Baspanaly bolǵan januıalardy Pavlodar oblysynyń ákimi Bolat Baqaýov quttyqtady.

«Halqymyzdyń birligi kúnimen shyn júrekten quttyqtaımyn. Baspanaǵa zárý adamdarǵa páter berý sheshimi, birinshi kezekte, balalar úshin, olardyń jaıly jerde ósip-ónýi úshin qabyldandy. Mereke qutty bolsyn, jańa páterlerińiz shattyqqa tolsyn», - dedi ol.





Kómekke muqtaj januıalardy qoldaý turǵyn úı qurylysymen shektelmeıdi. Jaqyn arada árbir otbasyn jumyspen qamtý, mekteppen jáne balabaqshalarmen qamtamasyz etý máselesi qarastyrylady.

«Memleket bizge osyndaı kómek bergenine úlken rahmet. Balalarymyzben birge keń úıde turýǵa múmkindik aldyq», - dep alǵysyn bildirdi kópbalaly ana Elena Haırýllına.

Jańa úıde qonys toıyn toılaǵandar ishinde tórt bala tárbıelep otyrǵan Almagúl Bıshimbaeva da bar. Ol bul sátti 11 jyl kútkenin aıtady.





«Kópbalaly otbasylarǵa járdem usynǵan Elbasyǵa alǵysymyz sheksiz. Balalarymyzǵa páter qatty unady. Barlyq halyqty merekemen quttyqtap, zor densaýlyq pen baqyt tileımin!», - deıdi Almagúl Bıshimbaeva.

Aıta keteıik, búgin Ekibastuzda turatyn taǵy eki otbasy páter kiltterine ıe bolsa, Aqtoǵaı, Maı jáne Jelezın aýdandarynda kópbalaly tórt otbasy jańa baspana aldy.




Joǵary qaraı