Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda kólik qaqqan 66 jastaǵy áıel oqıǵa ornynda kóz jumdy

2021 jyldyń 19 qazan 2021 19:51

PAVLODAR. QazAqparat - Jol-kólik oqıǵasy Omby - Maıqapshaǵaı avtojolynda bolǵan, dep habarlaıdy QazAqparat Ravlodarnews.kz resýrsyna silteme jasap.

18 qazan kúni saǵat 19.25 shamasynda «Toıota» avtokóliginiń 48 jastaǵy júrgizýshisi Zarıa aýylyna qarama-qarsy tusta 1955 jyly týǵan jaıaý júrginshini qaǵyp ketken.
Áıel adam oqıǵa ornynda dene jaraqatynan kóz jumdy.
«Júrgizýshi jaryqtyń bolmaýyna baılanysty jaıaý júrginshini kesh baıqap, áreket ete almaı qalǵan. Atalǵan fakti boıynsha tekserý júrgizilýde. Saraptama taǵaıyndaldy», - deıdi Pavlodar oblysy polıtsııa departamenti jergilikti polıtsııa qyzmeti basqarmasynyń bastyǵy Ǵalym Sarǵulov.
Polıtsııa departamenti «Qazavtojol» AQ basshylyǵyna qala syrtyndaǵy joldarda (eldi mekenderdiń janynda, qaýiptiligi joǵary jerlerde, ótkelderdiń ústinde, mal aıdaý ýchaskelerinde, avtobýs aıaldamalarynda) jasandy jaryqtandyrý ornatý máselesi boıynsha usynystar jiberdi.
Sonymen qatar, polıtseıler jol qozǵalysyna qatysýshylardy kólikti basqarý kezinde, ásirese qala syrtyndaǵy joldarda asa muqııat bolýǵa, jyldamdyq rejımin jáne jol belgileri men tańbalarynyń talaptaryn saqtaýǵa shaqyrady.
Basty sózder: Kólik, Pavlodar oblysy, Jol, Oqıǵa,
Joǵary qaraı