Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda halyqtyń 64 paıyzy ulttyq sanaqqa qatysty

2021 jyldyń 19 qazan 2021 16:38

PAVLODAR. QazAqparat – Aýyl turǵyndary qala turǵyndaryna qaraǵanda halyq sanaǵyna belsendi qatysyp jatyr, dep habarlaıdy QazAqparat tilshisi.

«Halyq sanaǵynyń negizgi kezeńi aıaqtalýǵa jaqyn. 19 qazan kúngi jaǵdaı boıynsha oblysymyzdyń 480 myń turǵyny nemese oblys halqynyń 64,2%-y sanaq qaǵazdaryndaǵy barlyq suraqtarǵa jaýap berdi», - dep málimdedi Pavlodar oblysy ákimdiginiń baspasóz qyzmeti.

Aqtoǵaı, Jelezın, Ertis, Aqquly, Maı jáne Ýspen aýdandarynyń turǵyndary halyq sanaǵyna túgel qatysty.

Qalǵan alty aýdandaǵy jumystar da aıaqtalýǵa jaqyn.

«Qala aýmaqtaryndaǵy jumys qarqyny tómenirek. Aqsý qalasy turǵyndarynyń 66%-y, Pavlodar jáne Ekibastuz qalalary turǵyndarynyń 50%-dan astamy ǵana halyq sanaǵyna qatysqan. Onlaın formatta óz betinshe halyq sanaǵynan ótpegen turǵyndardyń úılerin statıstıka organdarynyń ókilderi aralap shyǵady», - dep qosty óńir ákimdiginen.

Oblysta halyq sanaǵyn júrgizetinder shtaty 800 adamnan turady. Pavlodar jáne Ekibastuz qalalyrynyń ıntervıýerleri transportta tegin júredi.

Sonymen qatar keshki ýaqyttarda olardyń qaýipsizdigine polıtsııa jaýap beredi, dep aıtyp berdi ákimdikten.

«Jalǵyz turyp jatqan zeınetkerler jáne múgedektermen jumyspen qamtý ortalyǵynyń qyzmetkerleri jumys isteıdi. Atalǵan sharalardyń arqasynda demalys kúnderi 42,2 myń adam halyq sanaǵyn ótti», - dep málimdedi baspasóz ortalyǵy.


Joǵary qaraı